قمر آزال

الا ياللـي تناضرنـي بعين(ن) رمشها قتـال

برمش العين  تأسرني ولاتعلم بمـا بالحـال

توقّـف لا توتـرنـي جروحي دمها  سيـال

ترى صـدك يدمرنـي يزلزل خافقي  زلـزال

اسير الحزن  حررنـي من الاحزان يامحتـال

نصيحة لـك توفرنـي قبل ماقفي بدون  اقبال

قبل مالهجر يدحرنـي ودمعي عالوجن  همال

قبل ترجـع  تدورنـي وتبكيني على الاطـلال

قبل صـدك يسفرنـي على الطاير مع الموال

لأن الوقـت  قدّرنـي ودرسني مع  الأبطـال

مع العـزة  مكبرنـي ولافرط براس  المـال

اعبّـر مـن يعبرنـي وحطه عالشماغ  عقال

وكسّر مـن يكسرنـي ليبقى درس  للأجيـال

أنا مسلـم وخابرنـي أصوم الست من شوال

ودينـي دوم يأمرنـي أوفي الكيل  بالمكيـال

ولي عادات  تجبرنـي أكون بموقفي  رجـال

ولي عـزة تصبرنـي على الهجران والإهمال

ولي هاجس  يسامرني ويطرب فكري  الرحال

ولي فكرة  تناصرنـي واحطّم فكرة  الانـذال

ّاحب والحب  جرجرني وبهذل حالتي  بهـذال

وحب اليـوم حيرنـي كأنـه للقلـوب  إذلال

كذا النظرات تشعرنـي كذا الأقوال  والأفعـال

بعينك ليـه تسحرنـي وترمي بي وسط لهوال

وتنسانـي وتهجرنـي وحبك بالحشى مـازال

وانا لامـت  أقبرنـي بصدرك ياقمـر  آزال

وبدم الجرح  طهرنـي مدام بصدرك المنـزال

وصية لك  واسترنـي ولاتشمت بي  العـذال

كتبتك شعر

 

احبك وانت  ماتـدري بحبي لـك واشواقـي

احبك حب من  صغري محبة نهجهـا  راقـي

محبة في دمي تجـري وتسري داخل  اعماقي

سكنت القلب من بدري وحبك كـان  سباقـي

سبق وحتل لي صدري ولا دونك بقـى باقـي

تبسّم والهوى عـذري ولاتحزن على فراقـي

انا لو غبت  ياعمـري لغيرك مامشت ساقـي

انا بعدك نفذ  صبـري وحزني سـد  آفاقـي

كتبتك شعر من  فكري وبك عطرت  ارواقـي

عيونك ملهمة شعـري الا ياسيـد عشـاقـي

لعينك يحترق  حبـري ودمعي الشوق باحداقي