طائرالسعد غنى

قال بداع شاعر طائـر السعـد غنـى طاب جو الفرح له عالغصون الخضيرة

من صباح الله اليوم هز قلب  المعنـى فالهوى يطرب المشتاق جيه  وسيـره

وقلت ياطير علمـك أعطنـا لا تونـا كل ماهز نسناس (ن) تغـازل عبيـره

قال ياظيف اسمع وافهم الـدرس منـا بالمحبيـن نفـرح والسعـادة كبيـرة

شوف خلي قبالي قـد جمعنـا  زمنـا والسماء هي لنا ياصاحبي خير ديـرة

عشنا عش واحـد والمحبـة  وطنـا كل ليلة مع الأشـواق نغـزل حريـره

حريـة حريـة لا لا ولاحـد  سجنـا صرت في عالم العشاق شوف  الاميرة

وقلت ياطير في دنيا المحبـة  تهنـى ليتني طير مثلك والفرص لي  وفيـره

قال علمك ترى دمعي على الخد  شنـا يوم هنيتني سالـت دموعـك غزيـرة

هات لي قصتك ياظيف مثلـي  تمنـى وين خلك سكن ياشاعر الحب  خيـرة

جوب الدمع والماضـي معـه مادفنـا حطني في خلا والهم قدنـي  سفيـره

وقال ياطيـر حبينـا ولا يـوم  خنـا والمحبة صعيبة والعواقـب  خطيـرة

فرقـت بيننـا الأيـام جابـوا بدلنـا للوليف الذي ماحـل فالقلـب  غيـره

راحت ايامنـا والشـوق ياكـم فتنـا صابها الله قوانيـن البلـد والعشيـرة

ضاق حالي وحاله والفـرح  ماسكنـا ديرته غيرنا والشوق يلهـب سعيـره

غابت اعـوام والله مارأيـت المحنـا في شمال البلد وانا جنـوب الجزيـرة

لا شواطي ولا دري وين ترسي سفنـا راحت احلامنا والـورد روّح  عبيـره

ذه حكايـة هوانـا يـوم كنـا وكنـا نبني احلام والايـام مـرت  قصيـرة

لاهنا وانتهى ياطيـر قـول  المعنـىّ سرّ عاشق تعذب سرّ به من ضميـره