قال بوسالم سرينا

---

قال بوسالم سرينا = والريح نست علينا ياللي تقولوا نسينا = من اجلكـــــــم قد اتينا ياللي سكنتوا فؤادي = الوصل فيكم مرادي مهما يطوّل بعادي = العهـد نوفيـــه ديـــنا شفني قبيلي مأصل = ماترّك الحب الأول وانته عليّا تمهــــلّ = يازيــــن منّا وفينـــا ذا ليش تزعل عليا =والقلب لك قد تهيــا والدم ضخك هنـيّا = ياللي زعلتوا علينـــا الحب ماهو تماني= والقلب مــنه يعــاني ربي بحبك بلاني = فــي حبــــكم أبتليـــنا صبرت عالهجر كله = والدمع عيني تهله باعطيك قلبي وشله = من ناركم اكتوينا لاسامح الحظ عايب = سبّب فراقك مصايب والهم عسكر كتايب = اللـــــه ياكــم شكينا رمى بك الحظ عني = من صغر سنك وسني ياعين بالدمع شني = والحظ رافض يجينا ياسايق التكس وقف = من ورد جوري بنقطف حتى ولا العين تذرف = جنب شمال اويمينا بانقطف الورد لحمر = مابين صنعاء ومعبر وان حـــد زعل اوتكبر = سلّم وقله مشـــينا ياراعي الحقل تسمح = تسمح لقيس الملوح يسمر معاكم ويفرح = مابين عنبا وتينـــــا رحب وهلا وفسّــح = وقال ذا التين وربح لاتقطفه قبل ينجـح = ياللــــي اتيتوا الينا ذا شرط واجب تجيبه = وحذر تجيب المصيبة نظرات عينك غريبة = عالصدق شفنا ربينا وقلت مرحب بشرطك ** مفهوم مفهوم قصدك آمر ونا تحت يدك = فالحقل معك بدينا قصة هوى قلب عابر = صاده غزال الظنابر واليوم عالبعد صابر = ياما فراقه بكينـــا ختمت قولي وكافي = ختمت زين القوافي يالله تديم العوافـي = مابين رفقن ولينـــا