سبحنا البحر للشاطيء

توكلنا على واحـد جميـع النـاس يدعونـهومن فضله بيعطيهم عطى وافي بلا نقصـان

انا باتحمـده حمـداً عـدد ماهلـت مزونـهوعد البرق مالعلع وسال السيـــل فالوديان

وبعد الآن والهاجس معيا هاجـت  شجونـهمن بحور الشعر يغرف يصيد اللول والمرجان

يجيب قوال تطربنـي تسلـي روح محزونـةوترمي بي ورى شاطي يفجرني حمم بركـان

سبحنا البحر للشاطي وشفنا البحر وش  لونهبحر هايج ولاينجى في الغبة سـوى  ربـان

ونا سباح من صغري وقول الشعـر بفنونـهاغني به من فؤادي وأسجع اعـذب الألحـان

ولي رؤية سياسية ولي نظرات فـي  كونـهوخذ عبرة من الماضي ولاقول الزمن خـوان

ابيت الليل وسراري تحت لضـلاع مسجونـهولا يعلم سوى ربي بما فيني مـن الاحـزان

انـا ماهمنـي خايـن ولا باهتـم لطعونـهمدام الحب في قلبي يرجّـح كفـة  الميـزان

انا ماهمنـي إلا عـرب للغـرب  مرهونـةعلى الإسلام محسوبة ولاتملك سوى العنوان

يموت الشهم وصحابه من الشرفات يرمونـهلأجل كلاب مسعورة بلا رحمـة ولا  إيمـان

يقولوا زين يستاهل علـى فعالـه يلومونـهولا واحد نكر منكر رفض ذا الجور  والبهتان

مكان الجو متعكّر وشوف الخيـل مرصونـهلأن الجيش غلطاته من القادة ومن لر  كـان

ولا نعرف سبب واضح سوى اسرار مدفونـةعليها الله وبسم الله بـلاد الجـود الإحسـان

يبيعوهـا وبالجملـة وكـلاَ يقضـي ديونـهولاحد قال وش حالك الا ياطاهش  الحوبـان

يجر الصوت من قلبه يهز البيـت  وركونـهسمعنا صوته المدوي من الحوطة ومن عزان

خرج ذا فصل والثاني مكان اللنفس محنونـةواشواقي من عماقي لعزك ياجبل  شمسـان

وعاد الروح في حبك ورب الكـون مفتونـهلبا تطهير للساحـة ولايبقـى بهـا شيطـان

وطن غالي ونا حبـه وعهـد الله  ماخونـهوطن للكل ماهوشي لكـم ياناهبـي لوطـان

خلاص اليوم جربنـا وشفنـا مـن يحبونـهيبيعوا الروح من اجله يبيعوهـا  وبالمجـان

شباب اليوم قد قاموا نـووا للبيـت  يبنونـهمن الغنا إلى الضالع إلى سيحوت لا  ردفـان

جميعاً كلهم قامـوا علـى الظالـم يهزونـهوعاد الدعم متواصل من المهري ومن بقشان

وبان الحق لي واضـح مثـل ورداً يسقونـهوشفت الغيث فالقبلة وسيله سال من  حبـان

وسر القلب ببروقه عسى لمطـار مسهونـةتسقي ودانا المجدب وتزهر بالثمـر لغصـان

انا مشتاق وشواقي اشوف الليـل وسكونـهورد الصوت من قلبي لاجل العاشق الولهـان

وجيب ابيات من رقة وسامر كاحـل عيونـهمعي هاجس ويطربني يجر الصوت  بالأشجان

يعين الله من يسمع لابـو سالـم  وللحونـهدخل في بحره ألهايج وقال الليـل ياسهـران

يعينه عاشق حروفي الا يارب كـن  عونـهيبى يسمع غزل مني ونا مشغول  فالميـدان

احبه ايه انا حبه وأعشـق ضحكـة سنونـهورب الكون ماغيره لابوسالـم خلـق فتـان

انا مانساه لو يمسح رقومي مـن  تليفونـهولو يزعل علي ما زعل مدام إنّا كذا  خـلان

انا وافي مع حبي برغـم ظـروف  ملعونـةورغم امور خلتني أعيش بعالمـي  حيـران

زرعت الحب في قلبي وهم لاغبت  ينسونـهوخوفي آه ياخوفي من الإهمـال  والنسيـان

ثمان سنين ماردوا ونار الشـوق مرشونـةبجوفي تحرق ضلوعي وتصعد فالسماء دخان

ختمت القول يالهاجس كفى كلمات  مجنونـةكفى أحزان يكفيني ترى دمع الوجـن شنـان

صلاة الله على المختار عدد ماهلت  مزونـهوعد البرق مالعلع وسال السيـل  فالوديـان