كلاماً حاك في صدري

يقول اللي غزاه الشيـب بغتـه وعاده مانتصف نصفين  وقتـه

رما بي صاحبي في بحر مظلـم يبى يهمي كذا غفلـة  وسكتـه

وانا معروف عند الناس جمعـا وعهدي والشرف مايوم  بعتـه

مكانـي ذاك فالقمـة مكـانـي وبحر الجود مـن اول سبحتـه

وانا ماهمنـي حاسـد وشانـي ولو يومي علي ويجـب نكتـه

عرفت اللي غزاه الحقد  عنـوة ونـا والله ماخنـت وذبحـتـه

ولا ذم الـذي يكـره  وجـودي ولحم الغاب يالصحـاب عفتـه

ولا حرس للذي يرمـي بغفلـة اطنش فعلتـه ماقـول  شفتـه

برية ذمتـي مـن كـل تهمـة ومن يحقد علي بايروح  كرتـه

ونا باسأل عظيم الشان  وحـدة يجنبنـا مـن الحاقـد ومقتـه

ضعيف الحال ياوجـدي لحالـه وسط غبة قمر بايضيع  يختـه

يعانـد بحـر ومواجـه عتيـه ولاهاج البحـر مافيـه  فرتـه

هدو البحـر لايخـدع  عيونـه على ساحل عدن بايحط  بشتـه

نسي ذاك الزمن ياحيـد حقلـة نسي دورك معه ليلـة  لعبتـه

تنكّر لك كذا لأجـل  المصالـح وغيّر جمعته من بعـد  سبتـه

كفى ياقلب ابـو سالـم توقّـف تراني من على بالـي مسحتـه

هديت العمر له من غير  قيمـة وهو بالشوك كم يهديـك نبتـه

كفاني صبر ماللصبـر  حاجـة نطق صبري حمم من بعد صمته

وصلى الله على خيـر  البريـة كلاماً حاك في صـدري وقلتـه