ذكرى

ذكرى جميلة ترسم الحب لوحـــــات

ذكرى حمام الورق رجـــــع صداهــا 

$$$$$$$$$$$$$$$$$$$$$

ذكرى وللذكرى معانــــي وكلمـــــات

ذكرى وشعري ماوصـــــــل لامداهـا

$$$$$$$$$$$$$$$$$$$$$$

ذكرى لها فالقلب ياناس حســــــرات   

ذكرى محب(ن) عيشتـــــه مابداهــا 

$$$$$$$$$$$$$$$$$$$$$$

سالت دموعه بين خمسمة محيطات 

ووروده الحمــــــراء تغلى نداهـــــا

$$$$$$$$$$$$$$$$$$$$$

ياما ذرفت الدمـــع واردفــــت ونات

على هنوف ٍ جعـــل قلبي فداهــــــا

$$$$$$$$$$$$$$$$$$$$$

قفّت علي والشوق بالقلب مامـــات

ياليت ليل الشـــوق يمي حداهـــــا

$$$$$$$$$$$$$$$$$$$$$

تحت الضلوع العوج يكم محطـات

للي رحل قلبي وروحـــــي قداهـــا 

   

مبروك ياشعب غزة

مبروك ياشعب غزة الف لك مبـروك

لا والله إلا أقول مبروك لـك مليـون

هنيت لك والعرب بالنصر قد هنـوك

ياشوكة الموت في معنق بني صهيون

رغم الألم روّح الغازي وهو مربوك

ولا تحقق هـدف من خطـة الملعون

انت البطل سجل التاريخ لك فالبـوك

قاوم وجاهد اكيد النصر لك مضمـون

ياجعل كل العرب يابن العرب يفدوك

من موقفك كل خاين صفر الطبلون

بالقصف والرمي والتنكيل ماهـزوك

الله يرمي وهـم لاوين بايرمون

ألرب معكم وبابـه للدعاء مفكوك

والقدس راجع ولابايلحقه شـي هـون

ياقدس صبراً ترى به ناس ماينسوك

عاد القيادة بغـزة سيفها مسـنون

شف عاد به ناس مثل الجعبري حبوك

عالعهد ياقدس من اجلك ترى يمضون

كم يابطل قد تجاوز حاجزة مشبـوك

بالغـام متفجـره وابكى بهـا شمعون

هذه حقيقـة ولا شي بيننا مشروك

غير العقيدة وخـوة ديننا المصيون

ياليتني سعفكم ياشعـب لاوطوك

في قمة المجد ابني سعف ذي يبنون

ياشعب صامد كتبت الشعر لك محبوك

لاجلك كتبت الحروف لونتها باللون

والشعر مايوصلـك واتقبلـه ارجـوك

لك من فـؤداي تحية عبقها زيتون

قدها لكم قادتك من اجـل ذا ربـوك

ياكم بطل حي بجهاده وهو مدفون

لاجل الكرامة بقوة يدعسون الشـوك

بصمودهم فالمعـارك دوخـوا شارون

حطه مرض بين اضراسه ولاكه لوك

وصار بالموت يتعذب وهـو مسجون

صابه الم في فؤداه حاط بهوشكوك

ثلاثـة اعـوام لاصاحي ولامجنون

ثلاثـة اعوام لامالك ولا مملوك

سبحان رب السماء له فالعباد شؤون

لله حكمة كـذا سابه كذا متروك

عبرة وللناس يبقى مثل مافرعون

طاب السمر

طاب السمــر والشعر طابت قوافيه 

==== والليل ياساهر ينسنس نسيمــــه 

والبحر بارد والقوافــــي مدافيــه

==== ولفكار حولــه والنوايا سليمـــــة

شاعر حضر والحزن حرك سوافيه 

==== وشعرن بدون اشعور من غير قيمة

حضرت والافكار ماهي بصافيــــــة 

==== متعكرة لجوا وروحي سقيمـــــــــة 

من بعد غيبــــة بيح القلب خافيـــه 

==== بين الرجال اللي تشد العزيمــــة 

مريت ديرة نارها نــار طافيـــــــــة 

==== متوشحة بالحزن مثل اليتيمــــة

هذه بلاد العز عارية حافيـــــــــة 

==== تلعب بها شلة حقيـــرة لئيمـــــة

القتل والتنكيل بقلوب جافيــــــــة 

==== في كل لحظة كم يسووا جريمـة

اعمالهم للدين ياهي منافيــــــــــه 

==== تطعن خفوق القلب داخل صميمه

يامسلمين القلب مافيــه كافيــــــه 

==== كم باتحمل هالجروح السقيمـــة

الجرح نازف ياإلهي تشافيــــــــه 

==== والعز والناموس يالله تديمـــــه 

بنت الشرف والعز وافية وافيـــة 

==== رغم الألم تبقى بعيني عظيمــــة

فيها الألم لاكن فالصبر عافيـــة 

==== للمسلم الصابر جنان(ن) نعيمة

والظلم مهما طال لا لا تخافيــــــه 

==== الظلم زايل والعواقب وخيمــــة

وآخر قصيدي قبل ماختم قوافيه

==== صلي على مولى الصفات الكريمة

البيت مهجور

البارحة يامشغل البال مريـــت
قدام باب البيت والبيت مهجــــــــور
مادري وش اللي صار مهجور هالبيت
لاناس من حوله ولاحوله اطيـــــــور
وانا اعرفه من عام معروف له صيــــت
لامن مررته شارعه شع بالنــــــــور
واليوم وضعه صار في كف عفريـــــــت
من مر قدامه رجع شخص مقهـــور
من بايجمع وضع من بعــــد تشتيـــت
يادار فيك الهم والحزن مقبــــــــــور
اين الطريق اللي يودي ترنزيـــــــــــت
ودي اشوف اللي له القلب مشطور
من غيبته بيحت سدي وونيـــــــــــــت
وش حيلة اللي خاطره صار مكسور
والهم كنه جاز والحزن كبريـــــــــــــت
لصى فؤاده مثــــــــل مانار تنـــور
يادار قله جيت بالشوق وابكيـــــــــــت
من مر شارعكم سكب دمع منثور
قله بامان الله ماصبحـــت وامسيــــت 

والحب لي غاية ومنهج ودستور

عذر غير مقبول

قلت العذر والعذر ماهو بمقبول 

==== لمايكون العذر عنوان هجـرك

هجرتني والقلب ياخل معلــول 

==== وش لون للهجران يرتاح صدرك

صبري نفذ محتار وش عاد لك قول 

====الله ياماقوى على الهجر صبرك

قلي على الهجران من هوه مسؤول 

==== راجع حسابك وانظر اليوم أمرك

ياماكتبت احروف والبال مشغول 

==== فكر وقلبي هده اليوم عــذرك 

تعال طوف القلب بالعرض والطول 

==== واسكن خفوق القلب والقلب قصرك

تعال شوف الحال واللغز محلول 

==== تعال وفّي شــي من بعض نذرك 

لا تقفي بوجهي ولا تروح مجهول 

==== لو رحت مجهولن ترى قل قدرك

إحتراق قلب

                  ياليت مالي قلب وحساس ودموع

                    ولالي بدنيا الناس ايـــــــة علاقـــة

                    الهم حاط القلب يافهد مزروع 

                       والحال ذي قلته نفضل فراقـــــــــه

                   افضل يموت الحر والراس مرفوع 

                        ولا يشوف الظلم وهــــل الحماقــة

                    نهب الأراضي للمقاريد مشروع

                         والحر ابن الحر مبتور ساقــــــــه

                   وين العدالة وين والحبل مقطوع 

                         والكذب والتضليل اصبح لباقـــــة

                   مات الضمير الحي والصدق منزوع 

                          في وحدة التضليل ياهل الرشاقـة

                   وحدة ومنها الطفل قد صار مفزوع 

                         وشعب الجنوب ايزيد منها اختناقه

                    جبتوا له البسكوت تغرير لسبوع 

                         والقات فيه السم مراً مذاقـــــــــــه

                    والنفط شليتوه من كل ينبوع 

                          في عصر تعبني بكثرة سباقـــــــة

                   وتجي تحاورني على هرج مطبوع 

                           من عند شيخاً له في النهب فاقة

                  عيش الكرامة له ونا حظي الجوع 

                             يشحت بأسمي لين يشبع رفاقه

                   لاجيت باحاوره بايقول ممنوع 

                             مالك جمل فيها ولاجبت ناقـــة

                   انته فقط صفق بحضرة هل الطوع 

                            وحاور على كرسي أهل الحلاقة

                   حوار مشروط فيه تابع ومتبوع 

                              ولا حروب اتكون من كل طاقة

                   كيف التحاور كيف والبيت مذروع 

                              قد صار ملكي ملكهم بالبطاقة

                   ياناس ياهل الحق والحق مرجوع 

                               حوار لعبة لاتكون انطلاقـــة

                   انا جنوبي حر لي صوت مسموع 

                               ماعاد لي رغبة بوحدة معاقة

                   وماعاد يعنيني ولو قال مخلوع 

                            او قال بن محسن علن انشقاقه

                   والأصل واحد لو تفرع له فروع 

                             ماعاد يخدعني ويكفي صداقة

                     وعجوزة الشمطاء لها مهر مدفوع 

                             معروف لو طول معاها عناقه

                  جات الحصانة ليه ياشعب مخدوع 

                         افهم ترى الفيروس صعب اختراقه

                  اللغز باين لي ورادع ومردوع 

                              هذه حصانة لاجل باقي رفاقه

                 يكفي كفى يافكر ياقلب مشلوع 

                         من مكرهم جوفي يزيد احتراقــــه

جرح بالقب ثوّر

الحـب وقّـف عنـد بابـك ودوّر من بعد ماخنت الوفـاء والمحبـة

خلاص يكفي جرح بالقلـب ثـوّر وكير الخيانة من فـؤادك  تشبـه

قد كنت شوفك نور عالكون نـوّر وقد كنت مركب لك وسط بحر غبة

ولاكنت عارف ان حبـك  مـزوّر حتى خـذاه القلـب اللـي حنبـه

واليوم قلبي من جهاتـك مسـوّر اشرب بكاساً صاحبك قـد شربـه

وش لي بهماً فوق راسي  مكـوّر ياليت دمع العين يخطـي مصبـه

ياخاين العشـرة خفوقـي معـوّر حبك اسـر قلبـي وتالـي لعبـه

طورت اسلوبك وغـدرك  تطـوّر وخليتني فالنـاس ابقـى مسبـة

غلطة زماني فيـه ياقلـب  فـوّر صكر وكفّـر ذنـب مثلـي تعبـه

خلاص فعله ذا بفكـري  مصـوًر واستيقض فـؤادي ودق  المنبـه

خليت حبه مثـل كرسـي مجـوّر وش لي بحبٍ خان ماخاف  ربـه

هذا قـراري فيـك ماهـو تهـوّر رح في امـان الله مالـك  محبـة

غابت نجوم الليل

        غابت نجوم الليل والحزن ماغاب

        ==== كن الحزن طيراً معشعش بــداري

        يا لوعة المشتاق والبعد غــلاب
        ==== اسهر وشوق القلب طاريه طاري
       من فرقة المزيون لي قلب منصاب
       ==== والهم عنواني وحزنــي شعاري
       ياليت ماللهجــر داراً ولا بـــــــــاب
       ==== وياليت خلي نجم فالكون ساري
       اكون اشوفه لاطلع فوق مرقـــاب
       ==== وعلن على الألآم كبـــر انتصاري
       يانجم يكفي هم وآلام واتعـــــاب
       ==== ياما لأجل الوصـــــل شبيت ناري
       اما وخبرني عن غياب لحبــــاب
      ==== ولا عليك الله تحـدّد مســـــــــاري
       صابر ثمان اسنين والجرح ماطاب
       ==== والوصل للاحباب منهج حضــاري
       ياما لاجل الحب قاطعت اقــــراب
       ==== ورخصت قلبي بين بايع وشاري
       يانجم قله كير بالقلـب شبــاب
       ==== من فرقته متعـــــب ولا هو بداري
       حاولت اوجد له على الصد اسباب
       ==== ولاسبب يوجد بحسب اعتبــاري
       ماغير يتغلى علي خل نصــــاب
       ==== يلعب بقلبي لعب مثـــل الاتــاري
       واليوم شاب القاف والحب ماشاب
       ==== والدمع من فرقاه عالخد جــاري