غابت نجوم الليل

        غابت نجوم الليل والحزن ماغاب

        ==== كن الحزن طيراً معشعش بــداري

        يا لوعة المشتاق والبعد غــلاب
        ==== اسهر وشوق القلب طاريه طاري
       من فرقة المزيون لي قلب منصاب
       ==== والهم عنواني وحزنــي شعاري
       ياليت ماللهجــر داراً ولا بـــــــــاب
       ==== وياليت خلي نجم فالكون ساري
       اكون اشوفه لاطلع فوق مرقـــاب
       ==== وعلن على الألآم كبـــر انتصاري
       يانجم يكفي هم وآلام واتعـــــاب
       ==== ياما لأجل الوصـــــل شبيت ناري
       اما وخبرني عن غياب لحبــــاب
      ==== ولا عليك الله تحـدّد مســـــــــاري
       صابر ثمان اسنين والجرح ماطاب
       ==== والوصل للاحباب منهج حضــاري
       ياما لاجل الحب قاطعت اقــــراب
       ==== ورخصت قلبي بين بايع وشاري
       يانجم قله كير بالقلـب شبــاب
       ==== من فرقته متعـــــب ولا هو بداري
       حاولت اوجد له على الصد اسباب
       ==== ولاسبب يوجد بحسب اعتبــاري
       ماغير يتغلى علي خل نصــــاب
       ==== يلعب بقلبي لعب مثـــل الاتــاري
       واليوم شاب القاف والحب ماشاب
       ==== والدمع من فرقاه عالخد جــاري