قتل الرجال الأوفياء عكر مزاجي ياعبود
=== فعله ردية تشعل النيران في قلب الكســـــــــول
بالغدر في الشهر الفضيل ياغارة الله والحقود
=== خبر وعم الأرض كم هز المشاعر والعقول
ياهل القميشي قتلكم كل الشوامخ له تنود
=== من بعد هذا الفعل والله جيبها عرضاً وطــــــــــول
والذل والله ماقبله والعز من ارث الجـــــدود
=== حجزت حملي عالمنيبة ذي تنوش بالحمــــــول
بايغلب الجدو الورب ذي به مرابض للأسود
=== والحزن ذي قتم على حقلـــــــــــه وربي بايزول
والثأر لازم نوخذه ياللي على اطراف الحدود
=== من بعد قتل رويس ومحمد بتمسي كم قتــول
يابايع الذمة معد بيني وبينك شي عهود
=== غدرت في سعفــــــك وهذه ذي تنقل بالحلــول
قد بعت سعفك والخليقة كلها تنظر شهود
=== بالغدر بعت الأوفياء حتى انتقض حلف الفضــول
واليوم انا واياك والبارق وحنات الرعود
=== متقابله لوجاه والبندق معي آخر حلــــــــــــــول
لانته معك بازل معي ذي بايجيبون الشرود
=== ذه عين جالوت انتظر وش بايجي جيش المغول
انته قدحت النار ونا واجبي جيب الوقــود
=== يارجال باعوضة معي حله على ظهور الخيول
يارجال حمير ذه نكيره نار تشعل بالكبود
=== لازم يعود العز والناموس والمسـرى يطـــــــول
لازم يعود الوزن والشوكة تجي ظهر العمود
=== اما ارتفعنا للسماء ولا الشرف يرجــــــع نزول
العار واجب نمسحه والحوم من بعده برود
=== دقت نواقيس الخطر والحرب تقرع له طبــول
والله ماحب الفتن لاكنها يمي تزود
=== وانا قبيلي ماقبله من بايخالف للأصــــــــول
من يقتل ويهمي جريمة ظاهرة في ذا الوجود
=== ضاعت سلوم القوم والاعراف ونقاط الوصول
وتكدرت كل المشارب وين صافية العدود
=== وين المبادي والقيم وين الشهامة ايش قول
من باع سعفه تلعنه لموات في وسط اللحود
=== يالعنبوا سعفة ردي القوم يالوجه الخجول
والحر في سعفه وفي وان هاجت الهيجاء يجود
=== بالروح يفـــــدي سعفته وإن كان قيده بالرجــول
ختمتها والحق لأصحابه وجب لازم يعود
=== وازكى صلاتي عالنبي مبعوث للأمــــــة رسول
افضل بشر وفى عهود لين انتقظ عهد اليهود
=== ومن بعدها تم الجلاء وأبكى عليهم بن سلول
يالله عسى فالخاتمة ترحم عبادك ياودود
=== ويالله تسهل ماعسر يالله عسانا للقبول
