خسارتي باللاش

يقـول باعوضـة سليـل النمـارة خدعني المحتال ياهويـن ياهويـن

خدعنـي بهرجـه وتـاك الزيـارة ظنيت به والظن به قد طلع  شيـن

وشربت من سبته كـاس المـرارة وتعذبت روحي من عـام  تسعيـن

ضاعت ملفاتـي بـدرج  الـوزارة وضاعت حياتي وانتهت عام  الفين

يوم الوضع متعب يزيد انهيـاره واصبحت في حيرة وانا بين  امرين

اما قبلت الوضع فـي كـل حـارة ولا وفجرته علـى قطـع  حبليـن

وانا ذهب اصلـي وغالـي عيـاره لي وجه واحد ماتلـون  بوجهيـن

شاعر تربع فوق عـر ش الامـارة اكرم ضيوفي لـو تدينتهـا  ديـن

وقّفـت وتفكّـرت عنـد  الإشـارة وضاع الامل يافكر مابيـن خطيـن

وشفت الحمام اليوم فـارق ديـاره كنه يبى نخله ومصحف  وسيفيـن

رفرف وعشعش في بلاد الحضـارة خلا بلاد الهم والحـزن  ياحسيـن

ذا فصـل بعـده بايثيـر  الأثـارة اللاش له مثله وكل زين له  زيـن

خسارتي باللاش ماهـي  خسـارة اكبر خسـارة لاخسـرت المحبيـن

اللي غلاهـم فـي فـؤادي منـارة في شارع ٍ للحب وسط  الشراييـن

حبيتهـم والحـب رافـع  شعـاره مكانهم عالي على الراس  والعيـن

والـلاش لاقفـى بيرتـاح  جـاره وبترتاح في بعده الـوف وملاييـن

اللي على راسـه بيهـدم  جـداره ويدون افعالـه بكشـف المجانيـن

الله لارده ولا رد  نـــــــاره قولوا معي يانـاس آميـن آميـن

والجيد يبقى جيـد نتبـع  غبـاره حتى ولو يسكن ورى الهند والصين

له في خفوق القلب بانـي عمـاره جدار ها اضخم من جـدار  برليـن

وآخر كلامي مختصر فـي عبـاره باقول كلمة واضحة بيـن قوسيـن

(خسارتي للجيد اكبـر خسـارة  ) ماقدر اعوضها ولو عشت دهريـن