الليلة مخيلة بها الرعد يرعد

يالله يامن لـك بنركـع ونسجـد ياباني السبع الطبـاق الشـدادي

حـد البلـى يالله والشـر يبعـد وحفظ عبادك يالكريـم الجـوادي

والليلة مخيلة بها الرعـد يرعـد والسيل شفته سال حاديه حـادي

ياهل السواقي سيل فالـودن ورد جاب السمر والضب هو القتـادي

وتخبروا لعجم مع عيـال  لكـرد وهل النشيمة وش علوم المرادي

جمعة وفيها الخير والسبت والحد وتسمعوا ياهل الصحف الـروادي

ذا فصل والثانـي فـؤادي تنهـد من جور مابه كم تنهـد فـؤادي

بردان في صحراء بها البرد يشتد والوقت مايرحم كثيـر  العنـادي

وين النشاما حطوا اليـد  باليـد ياهل البنادق بان صوت  المنادي

نبا لكم موقف وموقـف  موحـد بالعز والناموس موقـف ريـادي

من قبل مايلعب على الناس  لمرد ويصير شره في ربوع  البـلادي

الوضع متعب جم شوفـه معقّـد والشر طارح اصبعه  عالزنـادي

وش بايقول اليوم والامس  والغد وتاريخنا تشهد عليـه الأعـادي

وين المراحل وين تقرب  وتبعـد طال الصبر ياناس طال التمـادي

مابين موج البحر والجزر والمـد ضاعت علينا يوم ماحـد قيـادي

والطير لغبـر بالخضيـرة يغـرد منكور ياذا الطير لونـك رمـادي

اشعلت بفـؤادي نيـارك  توقـد ولانفع جـودي وشربـي وزادي

كم لي ونا ياطير عنـدك  تـودد وانته على الاغصان رايح وغادي

ولاهمك إني كـون دايـم منكـد قصدك تعذبني وتحـرق  مـدادي

الشعر ماداوا جروحـي  وضمـد الناس في وادي وشعري بـوادي

وين المقلم ذي به العظم  يشتـد باعلن على الباغي حرب وجهادي

الأمر لله لا انتكب نـادي  السـد بيـن الهلالـي راح والإتحـادي

لامهاجم يهاجم ولاحارس  يصـد حتى المـدرب موقفـه انفـرادي

ختمتها وزكى صلاتي على حمـد خير البشر هادي لدين الرشـادي