سلام ماحن رعد الصيف عشوية

سلام ماحن رعد الصيـف  عشويـة وعداد مادفر الـوادي مـن  شعابـه

من لسن شاعر حكم قولـه  وقافيـه على البسيط ابتدى بحـروف جذابـه

حضرت شاعر يجيـب ابيـات فنيـة في مجلس الواحدي والنـار  شبابـة

شاعر ولـي راي والافكـار محميـة شاعر وسمه لخصمه داخـل  نيابـه

والجيد له في فؤادي بيـوت  مبنيـة والصاحب الجيد مايبعد عن اصحابـه

من بلـدة الواحـدي مافيـه فرقيـة مابين هـذا وهـذا شعـور متشابـه

ذا فصل بعده وفيه احـروف نحويـة ياقـوم للعـز والامـجـاد كسـابـة

عزان فيـه البـلاء وافكـار معديـة بسم العقيـدة اتونـا نـاس نصابـة

فتوى لهم صادرة لاغـراض حزبيـة ذا ظلم كيف البشر يـارب  ترضابـه

بنت العرب تشتكـي لليـوم منسيـه من جور ذا الوقت والاحـلام كذابـة

من له وطن يستلب باسلاب  اصليـة يمـوت ولا بـعـزة دوب يحيـابـه

خلاص ماشي لهـم فالقلـب  حنيـة هدوا معـي يارجـال للـدم  شرابـه

والفاس فالراس والهـزات  ارضيـة وابن الجنوب الأبي كم تدمي صوابـه

قلبي الـم والبواخـر فيـه مرسيـة ياغـارة الله مـن الحاقـد  واذنابـه

كم عجّز الطب والأمـراض  مخفيـة هذا الوطـن بالكـذب ردد  وغنابـه

معـه تليفـون لـه نغمـات هنديـة يرقص وليت الجسد مستـور بثيابـه

ماغير يحلـم كـذا باحـلام وهميـة يحلم في اللنوب ذي يجني على شذابه

واللنوب نوبي ونا ماعـاد لـي نيـة في سعفته لو تذوب بي عالي  هضابه

ولو قالوا اني مريض بامراض نفسيه ذا منهجي صح ماهو حكـم عالغابـة

له جذر تربيع وانا كسـور عشريـة ذا منهج الكذب يا اوباش  وعصابـة

انـا المهاجـم وبالعبهـا بعكسـيـة وباسجل اقـوال محسوبـة بحسابـة

ماميل منهـا وخذهـا دوب صدريـة دام الوطن غايتـي وتكفـن  ترابـه

ودفت بي ياعلـي فـي قـوم مبليـة فيها الفساد انتشر مانعـرف اسبابـه

والسلب والنهب وسياسـة  عدائيـة يارب تنصف لنا مـن قـوم  نهابـه

بلادنـا ياعـرب بالحـزن  مكسيـة كم شل ثروات واعطاكم من  ارهابـه

لاسامحـه زوّج الشيعـي  بسنـيـة بهذل بها يوم هو من نـاس  عيابـة

هـذا وصلـوا علـى طـه علانيـة والآل والصحب مايتلوا فـي  كتابـه