الليل يمضي والسهر صار عنوان
****** ياللي دهاك الوقت مثلك دهاني
اصبر ترى فالصبر حكمــة وايمان
****** لولا الصبر ماعشت حتى ثوانــي
مانت الوحيد اللي بهالليل سهران
****** ياماسهر مثلك وياليل دانــــــي
دندن من احزانه وله دمع شنـــان
****** وياكم تمنـــــى لو تفيد التمانـــي
ينظر بعينه فزعة العـــــــرب ياخوان
****** في ليلةً بالظلم ربي بلانــــــي
لاكن وين الدرب ياذيب ســـــرحان
****** حدك زمانك ليت تنظر زمانـــــي
ماعاد يحتاج واضحة دون برهـــــان
****** كلين في همه وبحره ملانـــي
جات الرسالة جات في ليل لحزان
****** تشكي ونا همي ليمك رمانــي
ياصحابي مابين لخــــوان خـــذلان
****** لو كان بيدي مارضيت الهوانــــي
قلبي ترى من قســوة الوقت تعبان
****** لولا ظروفاً حطمت لي كيانـــي
ماشفت رث القوم عالقوم سلطــان
****** ولاشفت بفلسطين جرحاً يعاني
ولا تدخـــــل اسرئيل لاحدود لبنـــان
****** لولا وقــع فالبيت هادم وبانـــــي
دِمشق تحرق جوها صار دخـــان
****** يوم الغجر اصبح لهم وجه ثانـي
غلطان لاتنخى ترى قول غلطـــان
***** مات الضمير الحي خذ من لساني
من قول شاعر صار فالهم غرقان
****** لامن كواك الهجـــر قبلك كواني
شف نصنا مرهون في يد ايــران
****** والنص لآخر بالسياسة يسانـــي
خايف يقول الحــق ويقولــوا فلان
****** سني ومتزمت وطبعه انانــــــي
ماله سياسة فكره اليوم خربــان
****** يضحك عليه حسين صالح وهاني
والفرق شاسع بين غزة وسستان
****** والحق واضـــــــح بايناً للعياني
تم الكلام اللي وزنتــــه بميـــــزان
****** هذا كلام الصدق والعمر فاني
ليست هناك تعليقات:
إرسال تعليق