يرسم غلاك الشوق في داخل الروح
...............وانته مقفــي ليــــه تلعب بروحــي
إن كان ودك جرح فالقلب مجروح
...............من فرقتك واللـــه تنزف جروحـــي
ماليلة إلا نوح والطــير بينـــــوح
...............فوق الخضيرة لاسمع صوت نوحي
من فرقتك يازين في صدري تفوح
...............دلة من الأشواق والهـــم يوحــــي
ساهر مع الأشواق والحبر واللوح
...............والعين تدمــع دم وتبـل لوحـــــي
تعبت من صدك ولاعندك وضوح
...............في عشقتك غامض ولانته وضوحي
حرام تعذب شخص عالفرش مطروح
...............قد لك ثمان سنين وانته شحوحـــي
في وصلك اللي من على بعدك يلوح
...............حتى نحرت القلب ذي بك طموحي
ناديت باعلى الصوت واليوم مبحوح
...............صوتي رحل يمك ودمي يفوحــــي
وانته مغيب والهوى يهدم صروح
...............ولا علي رديت تهدم صروحــــي
قل ماتباني وانت في خير مسمـوح
...............والله يعوضني ويشفي جروحــي
ليست هناك تعليقات:
إرسال تعليق