لو يطول البعد

ياصاحبي لو يطول البعـد  مانقطعـك حنا بدو والبدو مايقطعـون الشريـف

انته حبيب العمر وسط الحشى  موقعك وش لون بانقطعك ياللي مالك  وصيف

سافرت من ديرتك والقلب باقي  معـك انته حليفه ولا غيرك لقلبـي  حليـف

سامح حبيباً رحل عنـك ولا  ودعـك مجبور يرحل من الديرة بفصل الخريف

خوفاً من الحاقد الشاني معي يسمعـك لامن تكلمت والدمع الغزيـر  الكثيـف

يغمر عيونك ويجرح يالهلي  مدمعـك ويستغل البكاء والدمع شخصاً  ضعيف

ولا انت غالي وقلبي فالهوى  يتبعـك والحب بعدك وربي ياحياتـي  كفيـف

حبي فتح لك فضاء يازين  بايوسعـك حباً عرفته وتعرفنـي بحبـي نظيـف

بين الضلوع الحواني ياوليف ازرعـك انته وليفي ولا غيرك خلق لي وليـف

البارحة ساهرٍ طرفـي يبـي مطلعـك يرقب نجوم السماء والليل بردٍ  مخيف