الهوى ناراً وجنه

قلت الوداع وقال بدري علينا 

=== الليل توه ماسرى نصف منــه

قلت الهوى متعب وفيه ابتلينا 

=== قال الهوى ياصاح ناراً وجنــه 

قلت العيون اللي تغازل تبينا 

=== ولا كذا تطعن بروس الاسنـــة 

وليا وردنا العد دونه ضمينا 

=== ونردف مع الحسرات ونة بونة 

قال انت ماتدري بما صار فينا 

=== وش عرفك بريال حبي وينـــه

ياما وياما في غيابك بكينا 

=== ولا شرف الجوال حتى برنــة

قلت اهدأي يانار لاتحرقينا 

=== خل(ن)يعذبني و سا في ظنه 

والله ورب الكون لك مانسينا 

=== وش لون ينسى الحميري وانت منه

جوالك امسكر ومنه شكينا 

=== ولا انت دمع العين لاجلك اشنـــة 

من يوم حبينا ترى ماقسينا 

=== نعرف حقوق الحب ونعز فنـــــــه 

وقال جوالي مسكر محينا 

=== الرقم الاول والسبب سر كنــــــــه

والآن باقوله لحبٍ هوينا 

=== شخصاً يغازلني على كبر سنه 

وانا قطعت الحب دونك يمينا

=== مافاح في صدري بهيله وبنـــه 

قلت الأمر لله عسى تعذرينا 

=== قالت معك عذرك وعيدك تهنه 

واهم شي لارحت عود علينا

=== واللي تحبه باول العيد هنـــه