حبنا شوق وحضان

ياصاحبي والشعر إحساس  وجـدان جيتك من اقصى قلب زايـد حنينـه

جيتك ولع واهيام في داخل  إنسـان والشوق باعماقه شـراع  وسفينـه

انا اعترف أنك قمر شهـر شعبـان لاغاب ليلة صاحت النـاس  وينـه

غيبتك عني تجعـل البـال حيـران وش لون لو طول غيابـك  سنينـه

يموت قلبي من عنى الشوق عطشان والروح من فرقـاك دايـم  حزينـة

بين الضلوع العوج لك باني  اوطان فيهـا المحبـة والغـلا والسكينـة

مهما افترقنا حبنا شـوق واحظـان وتجمع مشاعرنا القلـوب  الامينـة

انتي خيال الشعر يااعـذب  الحـان كـل القوافـي دون حبـك  رهينـة

مدمن على حبـك ويازينـة إدمـان مفتـن جمالـك للعقـول  الرزينـة

ياساكنه قلبي وفـي كـل  شريـان لاتشلعـي قلبـي وانتـي وتيـنـه

نظرة عيونك تشعل الجوف  بركـان انا فدى رمش(ن) يعـذب  سجينـه

لاضيع بدروب الهوى دون  عنـوان اترفقـي بالحـال كونـي فطيـنـة

ظمي فؤاد ٍ ينشدك نظـرة  إحسـان ظميـه باحضانـك ولا تهجريـنـه

في غيبتك وردي ذبل فوق لغصـان والقلب مايهـدى ولـو  ترسمينـه

لانه بحبك صايـر اليـوم  سكـران تايـه بشـارع حبكـم والمديـنـة