لا تهددنـي بنظـرات العيـون اقرب اقرب لاتكن منـي بعيـد

اقرب اشوي لاتسبب لي  جنون اشهد ان اعيونك الحلوة تصيـد

واشهد ان الحلو في سعره زبون غالياً سعره وشاريـه  مستفيـد

كن رمشه برق باطراف المزون لارمش به قلـت يالله  المزيـد

ياوليفـاً للمحـبـة مايـخـون اقترب و اليوم هذا يـوم  عيـد

ابتسم لي مثل ماورد الغصـون لابتسم للشمس فاليـوم الجديـد

والله ان العمر لعيونـك يهـون وان حظي في ملاقاتـك سعيـد

وان دنيا الحب بعدك وش تكون وان حبك يسري بـدم  الوريـد

خلني ظمك على الصدر الحنون وهمس باذنك من لحون  القصيد

اعشقك لو كل ربعك  يزعلـون اعشقك احساس من نوعٍ  فريـد

اعشقك كالليل عاشق  للسكـون اعشقك حتى ولـو انتـه عنيـد

ياحبيبـاً ثـور بقلبـي شجـون ذابت الاشواق في صدري  جليد