صداقة بلى معنى

الا ياسعيد ارجوك شوش على  لرسـال ابا حل منك وفتنـي ياسعيـد  ارجـوك

ترى ضاعت الحيلة ولا ينفـع المحتـال اذا راحوا اصحابك ولخصومهم  خلـوك

تعبنا تعبنا والتعب منه ضـاق  الحـال اماني كثيرة جابت الهم لـي  وشكـوك

صداقة بلى معنى تراهـا مثـل  تمثـال وكم ياصديقي واحـداً للبيـس مملـوك

وانا باسالك لاضاع جملك مـع الانـذال وش الحل هات الحل في شعرك المحبوك

انا لي ثمان اعوام مـن جـرة المـوال ولامن كتبت الشعر توقف عليه  ملـوك

مصيبة تضيع وقت ويضيع راس المـال ولا تعرف بدنيا البشر لجنبي من خـوك

تزيد المصالح بينهـم ياسعيـد وصـال ولا جاء لهم مطلب ترى بابهم  مصكوك

هـذولا هـل البزنـز يبيعـوك للـدلال انا حذرك منهم ولو قالـوا ايحبـوك

ضيق في صدري

 

يقول بداع شاعر ضيق في  صـدري وهموم متراكمـة والقلـب  يحملهـا

ياغارة الله وش ذا الضيق من  بدري مثـل الجبـال المنيفـة آه ماثقلهـا

لاكهربـاء لاصيـة لاخـط لاكبـري يوصـل المشتكـي للـي  بيجهلهـا

كم طفل تمسي دموعه عالوجن تجري ثيابه البيـض مـن دمعـه  يـبللها

من شدة الحر يصرخ دون  مايـدري لمن لمن كل ذا الصرخـات يرسلهـا

وانا من الصوت ذا قد صحت ياقهري وكتبت ابيـات مـن ذي  بايوصلهـا

لاعند مسؤول يحمل خطي  المغـري يقرى حروفي ليعرف ايـش داخلهـا

ويدّارك الوضع قبل النـار ماتسـري داخل نفوس الراعيا الهـم  يشعلهـا

ويثور شعبي جميعاً بدوي وحضـري ويقطّع اعظاء خبيثه مـن مفاصلهـا

كفى ويكفي كفاية طال بـي صبـري ياكم رسايـل قويـة منّـي  اهملهـا

تاريخها شي بميلادي وشي  هجـري ويشتكـي حـرف تاليهـا لاولـهـا

لاكن انا بانتقد ايـة خطـاء جهـري بابيات شاعـر فـي افكـاري احللها

فساد مثل الوباء قد صار  مستشـري لـو شلّتـه امـة الافرنـج  يقتلهـا

اكبر مرض يفتك مشوش علي  فكري اكبـر داويـر وخدمـيـة تــخللها

ومالي سوى رب انا فوضت له امري عسـاه يينظـر لحالتنـا  يبدلـهـا

ياكريم العطاء

ياكريم العطاء يافرد عالكـون  والـي بـك توكلـت يارحمـن رب الجلالـه

اهدني لاطريق الحـق يافـرد عالـي وحدّني من طريق ابليس وهل الضلاله

سالك اتعزني من خصم بي  مايبالـي ولاتولي علي النذل مولـى  الفسالـه

قال بوسالم البـداع ياضيـق  حالـي كل ماقلـت بايهـدى يزيـد انفعالـه

ضاع وقت العرب مابين قيـلٍ وقالـي ولامعاهم من المحصول غير النخالـه

اصبح المجد عالعربان صعب  المنالي يوم حبوا الحياة ابعصر كلـه  نذالـه

ضاع فيه المسالم بين شـد الحبالـي والمطالب يطالب دون يلقـى  عدالـه

والعدالة بحد السيـف عنـد النزالـي اتعبوا والتعب باتجي بعـده  سهالـه

لا تسيبوا الكحيلة تصرخ ابخبت خالي نقذوها من أكـلاب البلـى والعمالـة

نهجهم نهج شيطاني من اول وتالـي وحفظ وتحفطوا مثلي من اول مقالـة

قالها المجرم القاتل وبافصح  مقالـي للضعيف لامكانه وفهموا ذا  الرسالـة

عنصري مذهبه مذهب حقير وسلالـي نظرته للمخالف مثـل لبسـة نعالـه

جاهدوا جاهدوا قد حان وقت القتالـي ضد مجرم سلالي عنصـريّ السلالـة

مايفيد الكـلام اليـوم مالـه مجالـي حان وقت العمل قد بان ليـه مجالـه

شدوا العزم يكفي ظلم يـاراس مالـي رحلوا خصمكم لا خلف عين الشلالـة

كل سني يجاهـد للعـدوا لا  يوالـي طاب سوق المراجل طاب ينخى رجاله

جنة الخلد نادت مهرها مهـر غالـي وين من يشربون العز حـد  الثمالـه

يانعيش بكرامـة والشـرف ماينالـي يانمـوت ونورثهـا قفانـا  كـلالـه

الشـرف فالعيالـم كلهـا  والاوالـي والرصاص المقلم كل مجـرم دوا لـه

وين تاك المنيبة ذي تشـل  الثقالـي وين تاك الدواسر ذي تصبح  صلالـة

وين تاك التي تسري بسـود الليالـي ذي تشل الحمول الجور في كل حالـه

حان وقت السرية هب نود  الشمالـي والقمر بان من بين الكواكـب هلالـه

لاهنا وكتفي والبحـر هايـج ومالـي والقوافـي هجينيـة اصيلـة وكالـة

واخر القول صلي عدّ ماسيـل سالـي عالنبي الف ياربـي وصحبـة وآلـه

المركب الهندي

على وين. رحلتك قلي الا يالمركب الهنـدي امامك بحر مايرحـم بيغـرق فيـه سباحـه

اشوفك ساير بسرعـة وللاخظـار متحـدي تغامر في غبب سوداء وفيها الموت وشباحه

على مهلك ترى بحر العرب له جزراً  ومدي وامواجة اذا هاجت على الغـاوي بتجتاحـه

طريق الشر ماتودي ولو خُيل لـك  تـودي وكم مغرور قد غامر وحصل بالكرب  لاحـة

تغير كل شي وفهم معد لك شي سعة عنـدي امامك جو بيعكـر مزاجـك لاتقـل  راحـة

حرام اليوم يامجرم بنا من حاسبـك  نقـدي وخل الهنجمة حقك ترانـا سيـوف ذباحـة

ولاتقول كرّتك هذه كمـا الاولـى  وبتعـدي حلفنا اليـوم مانقبـل بكـم ياقـوم سفاحـة

خلاص الصبر ذا حده وموتك صار في  يدي تسامحنا تعاهدنا نعيـش احـرار  فالساحـة

وإلا نموت عالمبـدا جميعـاً وفهمـوا ردي ولا نرضى يظلي ذا الوطن يشكي من جراحه

من المهرة الى الضالع جميعاً كلنـا  جنـدي نلبي للندا وقت الطلب كلـن مـع  اسلاحـه

معانا واصله قدهـا الـى الحلقـوم يافنـدي وهذه كلمة الشاعر اتت بالصـدق  صداحـة

معي جنية ياساتر ولا باتغيـب مـن سـدي تدخلني بسوق الشعر أشوف السوق وارباحه

حليلة مقوية قد خذتها بالورث مـن  جـدي عليها الله في علم السياسـة بنـت  لماحـة

زمانك راح ياشيبه كليـت الـرز والمنـدي وذلحينـه امامـك كفـة الابطـال  رجاحـة

ترى ماهي مثل الاولى حديد اليوم مايصـدي تراجع قبل ماتقذف بوسـط انيـار  لواحـة

كلامي وانتهى وفهم وهـذا كـل  ماعنـدي زرعت الطين ذا المرة ولا باتبيـع شراحـه

وختم القول صلينا بعود اخصر وماء  وردي على خير البشر صلوا عدد ماهبت  ارياحـه

فيك اكتب الاشعار والدمـع يمسـح            من لوعتي ياكـم حروفـاً مسحهـا

انا اشهد ان الدمع للحـب  يفضـح            كم ناس تكتم حبهـا قـد  فضحهـا

ياللي قطعت الوصل فرقاك يجـرح         ارفق بناس اتحب بُعـدك جرحهـا

كم لي انا والشوق نجمع  ونطـرح         وارقام ناتجها صـدودك  طرحهـا

يطول فيها الدرس وان جيت باشرح       ماتكفي احروف الشعر وان  شرحها

نار الجفاء يازيـن بالقلـب  تلفـح        وجروح مدمية طول هجرك لفحهـا

ياليـت للجـوال لحظـات  تفتـح        وتقرى عن اشواقي وساعة فرحهـا

ومن بعدها احجب وانا ليك باسمـح       وباسبح بحور قلبي من اول  سبحها من عنده الدرهم على الناس سيد واللي فقير بآخر الدرب  مرجوم حتى ولو جيّد بن انسـان جيّـد ماله مكانه بينهم صار  مهـزوم يكفي ولا حاجة من الشعر زيّـد والكل يخطي ماحد اليوم معصوم لاكن يخسر مـن بدينـه تفيّـد ذا امر من رب المخاليق محسوم

مرثية الشيخ علي بن سعيد بن لعقل

هذه مرثية في وفاة الشيخ العقيد علي بن سعيد بن لعقل باعوضة

دموع عيني مثل وبل السحابـة من حزن في لعماق يشعل حريقه

موت العقيد الشيخ جاب الكآبه . جاب الحزن للقلب وازداد  ضيقه

انا اشهد ان الحزن خذني  جنابه ورمابي بوسط البحور العميقـة

شيخ المواقف دوب فعله  جوابه اشبهه بالسيـف يلمـع بريقـه

رجال وافي بالوفاء فـك  بابـه يده بفعل الخيـر دايـم طليقـه

تشهد له افعاله نمر وسط  غابه ويشهد عدوه قبل يشهد  صديقه

خسارتـه والله تجيـب الغلابـه لاكن قدر مكتوب نقطف رحيقـه

نرضى بحكم الله ونخشى  عذابه الموت حكمة واقعـة ذه حفيقـة

ولا بقي غير العزا فـي غيابـه عزاي ان الحلق قد جف  ريقـه

بابكي عليه ودموع عيني صبابه بابكي عليه العمر ماهي  دقيقـه

ومن لامني يحرق إلهي  عصابه وياجعل كاس الذل بفمه  يريقـه

لن البشر ماهي سوى فالنجابـه ولا نساوم فالحصـون العريقـة

تبكي عليه المرجلـه  والذيابـه وتبكي على فرقاه كـل الخليقـة

يارب يامن لك بقلبـي  مهابـة ارحمه ياربـي ونـوّر  طريقـه

وفسح له بقبره ويسر  حسابـه وظله بجاهك بالغصون  الوريقة

ضرب القفاية

ابو سالم يقـول ضـرب القفايـة اشوفـه زاد يالصحـاب  مدبـول

الا كيف العمل هـل شـي نهايـة لهذا اللغـز ذي ماصـار محلـول

يكـم واحـد قتـل قتـلاً  همايـة يقيـد قاتلـه انسـان مجـهـول

كأنه فلـم رعـب ابلـى  روايـة ومنه صار عقـل الحـر مذهـول

من المجرم منيـن اصـل البدايـة من القاتل يمـوت السـر مقتـول

مـع راعيـة ولاحـد لـه درايـة عن المجرم ولا حاصل ومحصـول

جريمة اصبحـت عنـده  هوايـة واكبر منها مـن كـان  مسـؤول

ولا يدري عـن اسـرار الحكايـة وهـذا فعـل والله غيـر  مقبـول

كفـى الـى هنـا يكفـي  كفايـة يكفّي من وضع قد صار  مشلـول

جرايـم خلـت الانسـان تـايـه وحبـل الامـن للقتـال  مزقـول

قتـل هـذا وذا مثـلـه دعـايـة مصيبة ياعـرب لاحـول لاحـول

اشوف الثعـل بانـي لـه بنايـة بأرض العز كم بيصـول ويجـول

بيتبلطـج علـن سـد المـرايـة ويعصدها كذا فالعـرض والطـول

بيعصد كـن مـن خلفـه حمايـة وكن الشعـب ذا بالقيـد  مغلـول

الا ياللـي تجـيـدون الرمـايـة انا لي منعكـم ذا البـاب مقفـول

لبا نقـرى عليـه سـورة وآيـة لبا كسره ولبغـا سيـف مسلـول

نسلـه عالعـدو مولـى الجنايـة ونعرف اش خرج وش كان مدخول

كـذا تبقـى لنـا هيبـة  ورايـة ترفرف في سماء بالعـز مشمـول

سافر معاك شوق

  

سافر معاها شوق في رحلة الشـوقارضٍ بـتـأسـرنـي بـطـيـبـة هــواهـــا

وامشي لها والشوق بيسوقني سوقالله يــامــا كــثـــر بـقـلـبــي غــلاهـــا

لاجيتـهـا حسـيـت بالـوقـت مـسـروقواشعـر بانـي طائـر(ن) فـي سمـاهـا

هـذي بـلادي وصلهـا ايبـلـل احـلـوقمـالــي عشـيـقـة فالمـحـبـة سـواهــا

لادن رعـد الصيـف أولا حـت بــروقهـل المطـر مـن بعـد جـدب و سقاهـا

وفاحـت روائـح نبتهـا تطـرب الـذوقوصوت القماري في صباح ومساهـا

يطرب مزاج الشاعـر أيجـر طـاروقويــرد بـالـصـوت الـشـجـي لا اتـاهــا

وانا هنا في لحظة اغـروب وشـروقغنـيـت وهجـوسـي يـرجــع صـداهــا

s

دق المنبه

قـال بوسالـم علـي دق المنبـه والمحبـة قسمـة الله والنصيـب

ليت محبوبي يخاف اليـوم  ربـه يرحم اللي عاش في حبه  غريـب

في فؤادي كير واشواقـي  تشبـه كيف سوي يالبعيـد اللـي قريـب

ضاعت احلامي مثل لعب  المكبـة سبة اللـي بـاع حبـي للجنيـب

ايش حكم اللي يبيع بـلاش حبـه ويلقي بنفسه وسط نـار اللهيـب

ليه يرمي صاحبه في بحـر غبـة وليه مايرحم دموعـه  والنحيـب

كيف يحسب ويش من عقلن حسبه ذه حكايـة منهـا لمـرد يشيـب

عب جيبك بعد فقـد الخـل عبـه والله ان الامـر ذا امـرك عجيـب

خل افكـاره مـع صالـون  دبـه وفلة وبزنـز شموسـه  باتغيـب

مايفيد لـو لبـس الغاليـة  لبـة لاختلط مـاء المحبـة  بالحليـب

ياوليفـن خـان حبـي ولعـبـه انتهى حبك بعـد لبـس الصليـب

روح في خطك وامر الحـب كبـه طابت اجروحي عسى جرحك يطيب

الخيانـة عندنـا اكبـر مسـبـة سيلها مايسقـي الـواد  الجديـب

ليت بعد اليوم مـال للحـب هبـة دام جرح القلب ماحصـل  طبيـب

خاب المل

خاب الامل في قليل العقـل ياصحابـي لاقـلـت بايصـلـح الشـغـلـة يخـربـهـا

مادري غبـى فيـه ولا صـار متغابـي لاعطيته اسرار في سرعـة يسربهـا

ولا نفع شـي معـه جـودي ولاتعابـي وافكـار فـي خدمتـه شـرّق وغربـهـا

خـلاص مالـي بقربـه باقفـل ابـوابـي يامـبـعـد مـسـافـتـه وش بايـقـربـهـا

الفرق شاسع ولا يحرق لي اعصابي بضـايـعـة بـايــره مـثـلـي مـجـربـهـا

من قبل يولـد واسمـي نقـش بكتابـي شاعـر ولانـا مثـيـل الـلـي يضربـهـا

يغـالـط الـنـاس متـحـايـل ونـصـابـي افـكــار غـيــره لافــكــاره يـهـربـهـا

ياخـذ حقـوق البشـر خايـن وعيّابـي وفــوق هــذا مــن العلـقـم يشـربـهـا

حلفـت بالله ماحسـب لـه ولاحسـابـي جُـمــل كـثـيـرة ولا يـقــدر يعـرّبـهـا

اشعـار ركـة بـهـا مــن جــد غثـابـي يـعــق لـفـكـار مـايـومـاً يـبــر بـهــا

اًن قـد تغـزل كلامـه صــار ارهـابـي واضــح ونخـلـتـه مـاظـنـه يكـربـهـا

وبالفخر سلبـي ولاقـد صـار ايجابـي يـضـيـع دروب مـــن اول يـمـربـهـا

وفي السياسـة فضحتـه بيّـن وغابـي مـالـه بـهــا عـلــم يالـيـتـه يفـربـهـا

وانـا اميـر الشعـر والشعـر يزهـابـي مهـرة معـي جامحـة كـم لـي مدربهـا

عشت الشعر ولبسه من تحت اثيابي حـديـت سيـفـي وحربـاتـي مـذربـهـا

يالله اليوم

يالله اليـوم يارحمـن ياكافـي الـشـر سالك العفـو ياربـي ويسـر  امـوري

وهدني للطريق اللي بهـا الحـق  نـور وجعل الصدق نهجـي يالهـي  ونـوري

بعد ذلحين يالهاجس على خيـر مسمـر هات ابيات لي عبر بها عـن  شعـوري

هات ابيات مثل الشهـد والريـح عنبـر وقطف الورد كله من بساتيـن  جـوري

ذي نعتنـا وقـال اليـوم دق  المؤشـر انتم القاعـدة وانتـم بـلاي  ودبـوري

وانتـم اللـي بسُبّتكـم بلدنـا تـدهـور وانتم الفقر واسبابه واصـل الشـروري

لاكن الواقع الملمـوس بالعكـس يظهـر يالذي تتهمنـي لاجـل قـوة  ظهـوري

من هو اللي بينهب ثروة البحـر والبـر من هو اللي يقول الامر والشور وشوري

من هو اللي ذبح لحرار في خور مكسـر من هو اللي بيقتل عارييـن الصـدوري

من هو اللي جزر فالضالع اميات  وكثـر من هو اللي ظلم شعب الجنوب الجسوري

جرح ابين وعزان فـي فـؤادي تفجـر والدمـآء الجنوبيـة بيـدك  تـفـوري

كيف تبغانـي اتعاطـف وبيتـي مكسـر كيف ياللي ظلمني تنشـد اليـوم  دوري

اسم الارهاب من عندك لا أرضي  مصدر لاجل تسرق وتنهب في عناد وغـروري

ورحت فيهـا مـن عيالـك والله ُ اكبـر ذي تربوا معك مخفين وسط القصـوري

هكـذا حكمـة الله فالـذي قـد تكـبـر الذي قد منـع فالبحـر لحمـر عبـوري

واستلم بحر حقات ليـل ونهـار  يهبـر والهوى صار ملكه والسماء والطيـوري

وعـاده اليـوم بيهـدد مناقـر واعـور وقصده انه بيرقص رقص هندي وسوري

صح انه كسرنـي لاكـن العظـم يجبـر عام تسعين واربـع احرقتنـي قـدوري

ونتهت لعبتـه والشعـب عـازم وقـرر حرية قالها شعبـي وصوتـه  جهـوري

لاتهدد وفـي راس البلـى بـاك  تزقـر مصدر الشر عنـدك نبتتـه والجـذوري

وانت عارف وداري بس بتقلـد اصـور احذر اغرورك يهاجم لوكـر الصقـوري

ايـه باحـذرك وانتـه تمهـل وفـكـر قبل ماينفجـر بركـان شعبـاً صبـوري

كلمة الصدق لك باقولها وانتـه  ابصـر لاتعكر مزاجي وغرقـك فـي  بحـوري

انتبـه للعـب بالنـار لا النـار  تسعـر شوف راح الدهان اللي يليـن سيـوري

ذا خرج فصل اول بـه سلاحـي معمـر وفصل ثاني نـدى ياساكنيـن القبـوري

جرعة الموت والصافـي معاهـا  تعكـر ياجماهيـر للساحـات هبـي وثــوري

لا هنا واكتفي والشر لـه سيـف يبتـر يقطع اللي يعاندنـي وينكـر  حضـوري

والف صلي على طـه النبـي  المبشـر مالما البارق الشرقـي وزود  سـروري

غلطة ولا بعدها غلطة

يقول بو سالم الشاعر غلطة ولابعدها غلطة

غلطة مع العايب المكار ذي ينكر الجود والمعروف

دخلته الدار واعطيته مفتاح للباب والشنطة

واهديته اللي معي كله وكنت صاحب معه مألوف

سلمته البحر والساحل جواهره جات له عرطة

والورد ذي كنت انا سقيه اصبح على حايطه مقطوف

اكلته الا عسل حالي وهو موالف على الشطة

وشل السواريخ والمدفع مقابل الخنجر المعطوف

تالي تنكر لمعروفي سوى المفاتيح في ابطه

واعطاني الصانف الايمن دهفني وقال لي مدهوف

واليوم جاء بايغالطني يبا يمرر علي زنطه

يبا يغالط وافعاله قد شافها الشايب المكفوف

يقول اني انا الظالم يشتي يسوي لها خلطة

معروف ايش الهدف والله قد بات واضح لنا مكشوف

قولوا له ايروح في خطه مابيت بنه ولا نفطه

يروح عني ويتركني يهناه بنه ، ونفط الجوف

مسموح مني نعم مسموح والله ماباعترض خطه

لانا ظلمته يخذ حقه ويسيب لي زرعي المحسوف

لاكن كلامه بلى معنى لاشل حمله ولا حطه

كذا يغالط صغير السن ذي جا على الطبل والمدروف

ورطة ولا بعدها ورطة يالله تخارج من الورطة

شليت لي حمل تعبني وانا براحة مانا مكلوف

جاب النكد والبلى كله فالمخ قد جاب لي جلطة

لا سامح اللي مورطني في آدمي خاين ومهتوف

التجربة برهان

جربت والتجربـة برهـان مع ناس عـارف  بلعبتهـا

ماشفت منها سوى  النقصان واحقاد مـن قلـب صبتهـا

خسران والله بها  خسـران فالظهر حسيـت  ضربتهـا

في قربهـا علـة الا بـدان ياكـم مـن ابـدان علتهـا

وانا فـي فراقهـا ربحـان يالله تقـطـع  محبـتـهـا

باعيش في غربتي  إنسـان احسن لذا الـروح غربتهـا

ا فظل لها من بلى  واحزان وهمـوم بتزيـد كربتـهـا

والصبر من قـوة الإيمـان يـارب سـالـك تثبتـهـا

بعض البشرنهجها شيطـان نيارهـا امــس شبتـهـا

وعمت عيوني من الدخـان والحيـن مليـت صحبتهـا

اللاش ليتـه ورى  عيبـان والنفـس تفخـر بعزتـهـا

مانا على صحبتـه ندمـان صحبتـه نفسـي  عافتهـا

يامبلش اللـول والمرجـان مصالحـك جيـت باغتهـا

سنين مرت علـى  نيـران وافكارك برخـص باعتهـا

اربع وعشرين  بالحسبـان معـك تطـوّل  حكايتـهـا

واليوم ذا رجـح  الميـزان ضربات عالـراس  ثبتهـا

من مشرقي جالك الطوفـان وخيامـك الريـح شلتـهـا

ومن مغربي يشتعل بركـان محبـتـك ذه  نهايـتـهـا

ثورت مشاعر من  الوجدان حلفـت ماحـط  رايتـهـا

في فرقتك ايه انـا كسبـان وصورك ماسـح دعايتهـا

البحر بحري وانـا  ربـان شواطيـه بـي حمياتـهـا

مانته قدك بعـت بالمجـان واعطيت نفسـك  هوايتهـا

مالك ولي شوفنـي فهمـان مانا غبـي عـن  وقايتهـا

حصنتهـا والمقـدر  كـان وانت السبب مـن  بدايتهـا

افتنتني من زمـن  سلمـان هجمات والنـاس  صدتهـا

والآن نـور الحقيقـة بـان اجيـال لحـداث  ربتـهـا

اوطانهـا دم  فالشـريـان واحمالهـا اليـوم شلتـهـا

وانظر وحاسب شفك غلطان كـم روح تزهـق لغايتهـا

من الجماجم بنـت  بنيـان الله يـتـمـم  بنايـتـهـا

ولو دمها يسقـي  الوديـان المـوت شوفـه هوايتـهـا

خفـف شويـة وروح الان كم ناس مـن قبـل خلتهـا

هذه حقيقـة لهـا  برهـان فـي فكـرك اليـوم ثبتهـا

ماشي سمعنا عبر الازمـان ضـرة وبتحـب  ضرتهـا

ولا عرب مابهـا  إحسـان والنـاس قامـت  وبرتهـا

والختـم ماهلـت الامـزان صـلاه مـن روح صلتهـا

على محمـد ولـد عدنـان صـلاة تثبـت محبتـهـا[