يالله اليوم

يالله اليـوم يارحمـن ياكافـي الـشـر سالك العفـو ياربـي ويسـر  امـوري

وهدني للطريق اللي بهـا الحـق  نـور وجعل الصدق نهجـي يالهـي  ونـوري

بعد ذلحين يالهاجس على خيـر مسمـر هات ابيات لي عبر بها عـن  شعـوري

هات ابيات مثل الشهـد والريـح عنبـر وقطف الورد كله من بساتيـن  جـوري

ذي نعتنـا وقـال اليـوم دق  المؤشـر انتم القاعـدة وانتـم بـلاي  ودبـوري

وانتـم اللـي بسُبّتكـم بلدنـا تـدهـور وانتم الفقر واسبابه واصـل الشـروري

لاكن الواقع الملمـوس بالعكـس يظهـر يالذي تتهمنـي لاجـل قـوة  ظهـوري

من هو اللي بينهب ثروة البحـر والبـر من هو اللي يقول الامر والشور وشوري

من هو اللي ذبح لحرار في خور مكسـر من هو اللي بيقتل عارييـن الصـدوري

من هو اللي جزر فالضالع اميات  وكثـر من هو اللي ظلم شعب الجنوب الجسوري

جرح ابين وعزان فـي فـؤادي تفجـر والدمـآء الجنوبيـة بيـدك  تـفـوري

كيف تبغانـي اتعاطـف وبيتـي مكسـر كيف ياللي ظلمني تنشـد اليـوم  دوري

اسم الارهاب من عندك لا أرضي  مصدر لاجل تسرق وتنهب في عناد وغـروري

ورحت فيهـا مـن عيالـك والله ُ اكبـر ذي تربوا معك مخفين وسط القصـوري

هكـذا حكمـة الله فالـذي قـد تكـبـر الذي قد منـع فالبحـر لحمـر عبـوري

واستلم بحر حقات ليـل ونهـار  يهبـر والهوى صار ملكه والسماء والطيـوري

وعـاده اليـوم بيهـدد مناقـر واعـور وقصده انه بيرقص رقص هندي وسوري

صح انه كسرنـي لاكـن العظـم يجبـر عام تسعين واربـع احرقتنـي قـدوري

ونتهت لعبتـه والشعـب عـازم وقـرر حرية قالها شعبـي وصوتـه  جهـوري

لاتهدد وفـي راس البلـى بـاك  تزقـر مصدر الشر عنـدك نبتتـه والجـذوري

وانت عارف وداري بس بتقلـد اصـور احذر اغرورك يهاجم لوكـر الصقـوري

ايـه باحـذرك وانتـه تمهـل وفـكـر قبل ماينفجـر بركـان شعبـاً صبـوري

كلمة الصدق لك باقولها وانتـه  ابصـر لاتعكر مزاجي وغرقـك فـي  بحـوري

انتبـه للعـب بالنـار لا النـار  تسعـر شوف راح الدهان اللي يليـن سيـوري

ذا خرج فصل اول بـه سلاحـي معمـر وفصل ثاني نـدى ياساكنيـن القبـوري

جرعة الموت والصافـي معاهـا  تعكـر ياجماهيـر للساحـات هبـي وثــوري

لا هنا واكتفي والشر لـه سيـف يبتـر يقطع اللي يعاندنـي وينكـر  حضـوري

والف صلي على طـه النبـي  المبشـر مالما البارق الشرقـي وزود  سـروري