يالهاجس

يالهاجس اللي كل ماهبت نسانيس انتشيت في ثوب زاهي منظره يجذب عيون اللي يشوف هات القوافي رصها قدام عيني بيت بيت الجزل هاته والهزل ارجوك خله عالرفوف وين المسيرة وين قلي وين ياللي قد سريت نزلت من قصر الشهامة والمروة للكهوف ياحيف يالوماه لو قد بعت فيها واشتريت وصبحت تابع بعدهم منقاد تمشي كالخروف وين المواقف الاولة اللي بها قد نلت صيت لا ياخسارة لو بعقلك سرت معهم غزل صوف ياليت ماشفتك على الشاشة معاهم ليت ليت خاب الامل ياصاحبي من بعد تمريغ الانوف ليتك عن الساحة كما راعي دثينة اختفيت بادق لك مني تحية عسكرية في وقوف مادري وش اللي صار يانجم السماء كنك هويت مطلوب منك تشرح اللي صار والمهرى قطوف هل انت مرغم حسب ماقالوا لمجلسهم اتيت وفي هذه الحالة انا باقدرك حسب الظروف ولا برغبة جيت قلي ياعميلي ليه جيت خايف تضيّع قيمتك مابين الاحساء والهفوف الله ياوقت المصالح للمبادي وش نويت وش ذي عملته بالنشاما ياحسوفي بالحسوف جوك ضبابي كيف مادري به ولابك قد دريت يم المذلة سقتهم من بعد تقليد السيوف هل هي اوامر قم قد جاتك وفي لين احتنيت حتى تمررها علينا حسب ترتيب الكشوف لا والله اللي عزني في طاعته له ماعصيت اما نصرنا سنة الهادي والا للحتوف يامرحبا بالموت عالسنة وهذا ماهويت احنا لها في ساحة الميدان لا دقت دفوف سني على المبدا ومن هدي الرسالة ارتويت لي رب اسجد له ولا أحب تقبيل الكفوف هذه رسالة واضحة لي شاطي بجاله رسيت من حد ردفان الابي لما كرش لا حد حوف سُنّة وخط احمر وفيها للمبادي قد بنيت قصراً مشيّد بالجماجم لا تهزون الكتوف جاهز على قمة سنام المجد يالص اعتليت افهم ترى لاقد سرينا ليل باضيّع الصنوف بارمي وربي قالي ومارميتا اذا رميت سبحان من يرمي هل الباطل بلا كلا وسوف هذه قصيدة قلتها وان مت عند الله حييت وان عشت عشت بعز والايمان بفؤادي يطوف ولا سُجنت الصدق من اجله تقيّد بن نحيت شاعر قوي يصدح بها عن دنيت الغاوي عزوف وانا هنا شاعر لاجل المجد عالرمضى مشيت عند حليلة ذي تجمل فكرتي بين الصفوف ولا تجامل اذهلت من شعرها اهل الكويت وهل السعودية اشادوا في قصيد الفيلسوف وختامها صلي على طه بنهجه اهديت مايلمي البارق وماشن المطر صلي الوف