ياوقتي اللي ضاع

ياوقتي اللي ضاع وش باقي من العمر القصير هل عندك القدرة تسلف صاحبك عمراً سلـف

ولا رشا انتـه تجـر العمـر والايـام  بيـر واللي بقاء في قاعتك يابيـر ليّـه ماعتـرف

هنا وقفت وخاطري ياوقتي الماضـي كسيـر وقفت أسأل عن جواب والدمع من عيني ذرف

الشيب بان ولاح في راسي وانا لسَّ  صغيـر لله يادنيا الندم مسـرع تلفـي العمـر  لـف

لفيتي اسنيني بسرعة مثل مالـف  الحصيـر والعالم الله وش مسجل عند ربي في  الملـف

بارب ياوالي ولي جيتك وانـا العبـد الفقيـر استر عيوبي كلها من هيبتـك قلبـي رجـف

يالله طلبتك نجني فالموقف الصعـب الخطيـر يوم البشر تأتي عراه وكل مخفـي  ينكشـف

الموت قدامي وحفرة ضيقـة منهـا استجيـر بك ياعظيم الشان يامقصود عبـدك والهـدف

هذه هي الدنيـا تضحكتـا ونبكـي  فالاخيـر ولاينفع الخسران بعد الموت عذره والاسـف

كم واحد ايعادي لها ويبيـع دينـه والضميـر وكم واحد يوالي لها ويخالف اسلوك  السلـف

ياليت لي جنحان عنها فالفضاء رفرف وطيـر وغيب عن ناس(ن) تمشيني مع درب  العجف

ياصاحبي فكر شوي وعرف لوين انته تسيـر دنيا يغالط حلوها كالبحـر ذي مالـه  طـرف

احداً بها عاش التعب واحداً بها عايش اميـر لاكنها بنيـان فـي آخـر مطافـه  ينتسـف

والناس تتقاتل عليها كنّهـا صـارت مصيـر كم روح تزهق لجلها كم ياغبي الهـا  هتـف