بسمك توكلت ياواحد عظيم الشان

بسمك توكلت ياواحـد عظيـم الشـان ياعالـم السـر تعلـم سرنـا  كـلـه

يامالك الملـك منـك راجـي الغفـران يالله انـا طالبـك تغفـر لـي  الزلـة

وبعـد ياطـارش اتجهـز وروح  الآن ودعتـك الله وذا خطـي معـك شلـه

وركب مع شاص اصلي وارد  اليابـان ذي يطوي البعـد والسـواق  مايملـه

وسأل على الشاعر اللي يحكم القيفـان بن ناصر المحتـرم ذي عـزه وجلـه

شاعر ومبدع ولا في هاجسه  نقصـان تلقى حروفه مثيـل اسيـوف  منسلـة

على العدو تقطع فؤادي مع  الشريـان والموت لحمر مـن الابـواب  يدخلـه

اهده سلامي بريح العطـر  والريحـان وعود جاوي مـع المكتـوب يوصلـه

وقطف من الورد ذي مزهر في البستان من ورد جـوري وكاذيهـا مـع فلـه

يستاهل الورد شاعر من عرب شجعان ويستاهل الطيب مثله واجـب  ارسلـه

ذا فصل بعده ورد ذي يروي  العطشان من راس شاعر هجوسه في ثرى  ظله

قد كنت ساهن مطر عالشول  والعرجان وان المطر يافهد ماجـاء علـى حلـه

والارض جدبة وحراث الصلب  طفشان والراعيـة مـن صبـاح الله  تدنفلـه

وباعت البوش وتخلت عـن الرعيـان وتزوجـت شخـص لامبـداء ولاملـة

وتمت زواجت قليل الجـو والإحسـان يوم البنيـة خدعهـا الـورد  فالسلـة

واصبح ابوها من افعال الردي ندمـان حزين قلبـه ودمعـه عالوجـن  هلـه

من جور حزنه تفجر مثـل ماالبركـان ونكس الراس بعـد العـز فـي  ذلـة

وتهدم البيت ذي مبني علـى عمـدان والصوملي باع ذي بالأمس نرطن لـه

يافهد شفنـا الحقيقـة والمخبـا بـان زلـت قليـل العقـل مابعدهـا زلــة

لاجل المصالح تنازل عن جبل  شمسان مريض قلبـه وفيـه الـروح  معتلـة

يتبع هوى نفسه وزين لـه الشيطـان اللهُ اكبـر عليـه ابليـس زيـن  لـه

رضي لبنت العرب في مجلسه  تهتـان ماله قضية سـوى الصالـون والفلـة

راح التحاور وحد راضي وحد زعـلان وحد نصيبه معـه مـن حصـة الغلـة

وحد بيصرخ ودمعه عالوجـن  شنـان وجرح الاسى في فؤاده مثـل  مالملـة

وحد بتنزف جروحـه داخـل الميـدان وحد معه سير له عاميـن يدهـن لـه

وحد ينادي وهو في عاصمـة  لبنـان وحد بيدخل ويخـرج لـه مـع الشلـة

ولا درينا من الصاحي مـن السكـران اكثـر عقـول البشـر يافهـد مختلـة

ويكفي فخر جايزة نوبل مـع  كرمـان واللي معـه جيـب خـارب لايهندلـه

يرميه في ورشة العزي وبـن برمـان ويمد فرشه ويرقد لـه واحسـن  لـه

والصايم افطر بآخر يوم في  رمضـان افطر بعلبـة عصيـر والبـن  فالدلـة

لاسامحه من يبيـع اللـول والمرجـان ولا سامح اللي ورى الصفيـن يطبلـه

هذا وصلوا علـى طـه ولـد عدنـان صلاه من قلب خاشـع دوب  توصلـه