|
يالله يامنشي السحب المطيـرة نصـوب
يامن يسبح بحمـدك رعدهـا والبـروق
|
|
يامالك الملـك فـرج همنـا والكـروب
في رحمتك ياكريم الجود عبـدك يتـوق
|
|
انت المهيمن ولك يافرد علـم الغيـوب
انظر لحالي ولا غيرك بحالـي شفـوق
|
|
راجيك يارب غفرانـك وستـر العيـوب
وعوذ بك لايقع امري بيد ابـن سـوق
|
|
البارحة والبروق اتلوح من كـل صـوب
صحاني الهاجس اللي ساقه الهم سـوق
|
|
وغنيت لك ياوليفي قاف شهـده يـذوب
قافن يضمد بقلبي مـن فراقـك حـروق
|
|
الشعر امتنفس ايداوي جـروح القلـوب
لاصار قطع التواصل مثل قطع الحلـوق
|
|
بعض المحبة شموساً ماتشوف الغـروب
والبعض الاخر غروباً مايجي به شـروق
|
|
طال انتظاري لوصلك ياعروس الجنـوب
و الهجر يتعب فؤادي والوصل صار ذوق
|
|
الحب ماهو كـلام ودردشـة فالجـروب
الحب كلمـة بيجـري دمهـا فالعـروق
|
|
بالحب نمشي سوى نوصل لاخـر دروب
مافي تراجع معه يانرتقـي فـوق فـوق
|
|
ولا وقامت على من يظلمونـه حـروب
حتى يبان الكذوب المفتـري والصـدوق
|
|
ياشوق شوقي لشوفك يالغزال الطـروب
عليك اذرف دموع الحزن من كل مـوق
|
|
ياصاحبي لا تحمل فـي وليفـك ذنـوب
كثر الجفاء والتباعـد يرتقـي للعقـوق
|
|
باصبر وصبري مطية تستحق الركـوب
لامن فقدت الامل من بعد دمعـاً وشـوق
|
|
واخر كلامي سلامـي ماتهـب الهبـوب
من شوق طوق خفوقي بالغلا الف طوق
|
ليست هناك تعليقات:
إرسال تعليق