الفسل بني الناس يطلب حسابه

 

وا حزن قلبي حزن من جور  مابه حزن الذي مارق بالـه  ولارتـاح

من ناس عالهامش وصارت  ذيابه تطعن بظهرالجيد بسهوم ورمـاح

ولو بيدها تحجب ظلال  السحابـة لا تحجبه عنه وفي يوم  الافـراح

ولاكنها مثل الـذي وسـط غابـة يرقب يصيد الليث والليـث لمـاح

يلمـح بعينـه قانصـه كالذبابـه ماعطاه همه لومعه سيـف ذبـاح

وانا من الشاني مسـوي  رقابـه وفهم كلام الشين وان كان مـزاح

وبعض البشر حقده يمزق  ثيابـه يشوف خير الناس قدامه  اشبـاح

يمشي بخط الشـر راكـز حرابـه يضحك وقلبه خاين الـود سفـاح

إن غبت خانك يحرق الله عصابـه وان جيت يابن الحر فالوجه  مداح

وجه النفـاق الله يطـول غيابـه مفسد ولاينفع معه ايـة  إصـلاح

مثله تسـاوى فالذهـاب  وايابـه ومثله عسى لاراح في فم تمسـاح

والشعـر نـوخ للنشامـا ركابـه والقاف يبكي غيبة الشهـم  لاراح

ولا الـردي منـه مقفـل  كتابـه مولى الخيانة كم من اسرار قد باح

حسبي عليه الله ولا عيش  جابـه ولاقلب ينبظ بـه ولادم بـه فـاح

والسيف قالوا عزته مـن نصابـه والقفل مالـه قيمـةً دون مفتـاح

وانا الكلام الشين صكيـت  بابـه والشوك باهدي به من القلب  تفاح

والليـل لاعتـم تنابـح كـلابـه والضلع مايهتز لا اهبـت  ريـاح

صامد وصوت البوم ماحد  درابـه ولو صاح طول الليل ماهتم ياصاح

شاعر ولي هاجس ويرشخ بنابـه من يرشخه يرميه من حيـد  ذلاح

يرقص طرب فكري لصوت الربابة يوم الزمن يطعن فؤادي ولاصـاح

ماهمني لو ضبـع كشـر  نيابـه مادامني صامد ولي قـرن نطـاح

الفسل بين الناس يطلب  حسابـه والجيد ياخذها مع البـرق لا  لاح

الفسـل يتكبـر ويفتـل  شنابـه والجيد يتواضع وهو فوق ماطـاح

ونا عرفه سلمون وعرف شعابـه لاسال سيله كنه البحـر  مجتـاح

ايه يازمان الويـل جبـت الكآبـة الـرث عزيتـه ولاعنـده انجـاح

يوم العدو الخصـم ياخـذ ثيابـه ويبادره من خوف بعناق وصفـاح

والشهم خليتـه يقاسـي  عذابـه يقاسي هموماً داخل القلب  وجراح

ليت الزمن لـول بيرجـع شبابـه ويمسح دموع العين عالخد  لاطاح

ولاكنـه المكتـوب والله جـابـه هذا قدر مكتوب في داخـل الـواح