غلطة زماني

غلطة زماني يومنـي جيـت  يمـك وعلنت حبي لك من احساس وشعور

وغلطة فؤادي يـوم حبـك  وظمـك اذنب وبعض الذنب ماهـو بمغفـور

شميت ريح الغـدر باطـراف كمـك وانا المحب اللي نفح حبـه عطـور

قلبـه رحـل يمـك ولا يـوم ذمـك ياللي خذيت الحب من غير  دستـور

كـلام يتـردد فقـط فـوق فـمـك ولا الحقيقة كنت انا فيـك  مغـرور

مغرور في هرجك ولا شفـت سمـك حتى تجرعته كذا اسنيـن  وشهـور

كان الهـوى لامـر ياهيـه  شمـك وكتب حروف الشعر من قلب مسرور

واليوم بان اللـي مخبـىء  وتمـك حباً بدابـك صكـر البـاب والنـور

ولعـاد تترجـى وعــوّد  لأمــك تهدي لي اشواكك وانا هدي لك زهور

عرفت كيف الغـدر يمشـي  بدمـك وعرفت انك بيت خالـي  ومهجـور

وذلحيـن مايهتـم همـي  لهـمـك ولا جيت باحكي لك عنى قلب مقهور

جيتك مـودع قـل لخالـك  وعمـك مشكور عالنكـران ياخـل مشكـور