هل الديـــــــــــــرة

ياسلامي ملاييـن عـد مالاحـت ابـروق من ورى غيمـةً هملـل علينـا  مطرهـا

والهبوب الشمالي ساقهـا يمكـم  سـوق ياهل الديـرة اللـي نـوّرت مـن قمرهـا

ليه ماترحموا عاشق وله قلـب  مسـروق عند من شافتـه عينـي يزاحـم  نظرهـا

حط له بالحشى موقع وعالـي  ومرمـوق وكـل فكـره علـى بالـي  تكررصورهـا

ليت من شاف خوداً تعجبه داخل  السـوق شلهـا بالثمـن لوكـان عمـره  مهرهـا

اشهد انه ملك للحسن والـذوق بـه  ذوق لـه ردوفـاً علـى كتافـه بيـده  نثرهـا

والعيون الجميلـة صوّبـت كـل مخلـوق كل عابـر توجّـح مـن مقـادح شررهـا

والشفايف بها توتاً مـع شـوي  برقـوق طعم حالـي الا ياسعـد غـارس شجرهـا

والخصر تقبضه خمساً مثل قبضة  البـوق والصدر كن بـه رمـان يسبـق  نحرهـا

ياوجودي الا ياسوق بك بيـض  مسلـوق ياوجـودي علـى ديـرة وماحـد عبرهـا

ياوجودي وجودي وجد من هـزه الشـوق كل ليلة والأشـواق غارقـاً فـي بحرهـا

ياوجودي وجود اللي من البعـد  محـروق والمحبـة خطيـرة ماعرفـنـا خطـرهـا

لين خضنا بحرها خوض من غرب وشروق وباتت العيـن سهرانـة تسامـر سهرهـا

حن ياقلب مشتاق حـن ماحنـت  النـوق للوليـف الـذي روحـي بحبـه سحرهـا