ياصاحبي ياللي على الجود مقدام
يامن رعشت القلب حتى صغا لك
حزين ما سلانـي أدريـد لحـام
والشعر يابن الناس جاور خيالـك
نامت عيون الحي والقلب مانـام
ساهر بجوف الليل يرقـب هلالـك
وقعت لك وقعـت حطيـت لبهـام
شاعر جزل من ساس جدك وخالك
من لام مثلك جعله اليـوم يلتـام
وحالي شبيهاً ياغلاتي لحالـك
الله يعز الراس عامـاً ورى عـام
والهم ياشاعـر عسـى ماينالـك
كتبت وابكيـت الأرامـل وليتـام
والشعر ضامي يرتوي من زلالـك
هذا الزمن شوفه كما عرض الافلام
ليت الشقاء لي والسعادة لجالـك
لو شفتني ليلة سقط كبـر لهـرام
ماحسّت ايمينك بقرصـة شمالـك
ذكرتني نكبات من عهـد صـدام
ذكرتنـي بأمـور داخـل مقالـك
ذكرتني دمعي مـع ليـل لوهـام
ليلة نكُب فيهـا فريـق الزمالـك
ترحل بنا الايـام والعمـر مـادام
دنيا اللندم لا لي ولا لـه ولا لـك
والصبر حكمة والعقوبـات قـدام
صبري دوا لي وانت صبرك دوالك
ليل الشتاء يالقرم اسرار واحـلام
خل الأمل ياصاحبـي راس مالـك
ياكم على شكلك شكى سير لقـدام
طبع الزمن ياطيف يظلـم جمالـك
وبعض المحبة مثل طقطاق الارقام
تخسر بلى معنى ويذهـب حلالـك
بيحت سدي والضروة لها احكـام
باب الهوى مالك اتى بعـد مالـك
هذه حروف الشعر إحساس ولهام
ياوقت لا تلـوي علينـا حبالـك
ياشعر قبل اختم على عزف لنغـام
قله عسى خلك يجيـب اتصالـك
وقله تـروح ايـام وتعـود أيـام
وقله جعل راسي وروحـي فدالـك
علمتني ياوقت من شعـر لعـلام
وكتبت شعري والمحبـة وفالـك
ليست هناك تعليقات:
إرسال تعليق