هبوب الحزن

نسنس هبوب الحزن هز  الشمالي والهاجس اشعل فالقوافـي فتيلـة

هاجس معي مشدود يطرب  خيالي لا قد حضر قول الجزالـة  دليلـة

ياهل الرجولة والشرف  ماينالـي لي منعكم وقت السيوف  السليلـة

ماعـاد فيهـا عـذر ولا مجالـي اعمال في ارض الكرامـة دخيلـة

الشعوذة والدجل والبحـر  مالـي ونار الفتن من تحت جمر المليلـة

وين الجمال اللي تنوش  الثقالـي ياصحابنا هبوا لعـرض الجليلـة

ماشي عوافـي يابعيـد الحلالـي ناديتكـم كليـن يحضـر بخيلـه

الثار ضد ابليس ويـن  الرجالـي وين العوالق والخيـول الأصيلـة

ياحمير الدهماء ويـاراس  مالـي ياهل المواقف والشروع الطويلـة

ياسعـد يانعمـان ياحيـد عالـي منه يعود الخصم تسمـع عويلـه

يالحارثي يالمصعبـي  يالهلالـي ياهل النصيل المرهفات  الصقيلـة

يارجال في جيش الكرب ماتبالـي بالموت لأجل العـز دايـم تكيلـه

وعاد القراميش تشرب المر  حالي وان قلت عمري سيف مافيه  حيلة

والمردعي ذي حل في خبت  خالي نطاح ينطـح بالقـرون الجليلـة

آسف على ماصار ياضيق حالـي آسف من اللي  كز راس الذبيلة

دنيا اللندم لالـك ولالـه  ولالـي ذا حال مـزري آه ياعزتـي  لـه

ياوجد حالي ياحسيـن  المشالـي غابت رجالك لا ولا فاليـد حيلـة

اعيال اسـرة كـل واحـد بآلـي ويحطهـا دائـم بكبـة زميـلـه

اما العدو عايش بنعمـة وسالـي والثار يحصد من خيـار  القبيلـة

يوم المروة خيطهـا خيـط بالـي ونار الفتن للخصم اقرب  وسيلـة

لما متى ياطـول سـود  الليالـي فالقاع والشيطان يعظـي  بذيلـه

من اجل من ياناس هـذا القتالـي لاجل العميل اللي يداعب  عميلـه

يارجال شبوة اصعـدوا  للمعالـي لاتقتلوا في بعضكـم كـل  ليلـة

قوموا على فاسد وقتلـه  حلالـي الساحر الكنهـوت قتلـه فضيلـة

من يشعل الفتنة وبيـن  الأهالـي ماوده إلا اتكـون لحمـال  ميلـة

العرض ياصحاب المهمات غالـي بئس الحياة اللي تعيشـوا ذليلـة