ليه تسأل عن غيابي يـوم طـال
ليه وانته من جبرنـي عالغيـاب
|
وليه باتكـرر امامـي هالسـؤال
وانته بتعـرف بنفسـك للجـواب
|
كان حبك راسخـاً مثـل الجبـال
وكنت نجمي في ذهابي والايـاب
|
وبعد رحت وسبتني وسط الرمـال
وبعتني وانـا بريعـان الشبـاب
|
خنت حبي خنت فكري والخيـال
واصبحت آمالنـا ديـرة خـراب
|
وبعد ذلحينه تنـادي لـي تعـال
بعد ماجرعتنـي كـاس العـذاب
|
صعب ارجع لك وانا مالي مجـال
انهي احسابك انا نهيت الحسـاب
|
انتهـى مابيننـا سيـب الجـدال
حبك اصبح مثل ماطرد السـراب
|
كنت قول حبي عندك راس مـال
وان قلبك مثـل ماقلـوب الذيـاب
|
كم طعنت القلب من عوج النصال
وكم بصدري من يدك رمية حراب
|
انته اللي قاطع حبـال الوصـال
وانته اللي غارس(ن) في الف ناب
|
صعب نرجع مثل ماكنـا محـال
روح في خطك انا اقفلت الكتـاب
|
وش لي بحبك بعد طـي الحبـال
انطوى حبل الهوى والجرح طاب
|
ليست هناك تعليقات:
إرسال تعليق