اخي فالشام

انا والدمع ونجوم السماء  وبروقهـا  ورعـود وهم(ن) في وسط صدري جمعنا الليل في  ميعاد

جمعنا للسهر والحزن في وسط الحشاء موقـود من ظلوعي شعل ناراً بجوفـي كيرهـا وقـاد

اخي فالشام لاتزعـل ترانـا نحتكـم لقـرود يصلوا في مساجدنـا وهـم للعاهـرة عبـاد

عدو الدين قد سوى حواجز بيننـا  وحـدود تبلطج يوم مافينا صـلاح  الديـن  والمقـداد

دموعك عذبت قلبي ودمعي عالخدود  شهـود وانا شاعر وشعري دونكم بايطـوي السجـاد

انا ماملك سوى شعري وذا شعري نفح كالعود وذا قلبي رجف من تحت اضلاعي ولك ينقـاد

اتيت بحزن يدفعنـي ليمـك سابقـاً  للنـود ابا جدد معك بالصبر ايام(ن)  عسـى  تنعـاد

لبى حبل الثقة يرجع ويبقـى بيننـا  مشـدود لبى وقفة تسوينا على رقـاب العـدو اسيـاد

لبى نشطب على الماضي ودمعات العيون السود لبى صفحة جديـدة للعمـر ونحـدد الميـلاد

لبى ننسى زمـان البهذلـة ونوفـر  المجهـود لبى ننسى من المظلوم والظالـم مـن  الجـلاد

لبى تصحيح للواقع نشيـد قصرنـا  المهـدود لبـى وقفـة بجديـة لبـى تصفيـر للعـداد

لبى نشتم بالعـزة غبـار  النصـر  والبـارود لباها ترفرف الراية لبى نقضي علـى  الإلحـاد

لبى توحيد يجمعنـا وندحـر شلـة النمـرود لبى قايد على السنة يجمعنـا عـرب  وكـراد

لبى دعوة رجل صادق يحارب فكرة  الليكـود لبـى هبـة تحررنـا الا ياحضـرة الـزهـاد

وكذا بانشيد ابيوت الكرم ونحقـق  المقصـود وبانصعد على القمة ولا نخشى مـن الاوغـاد

بلاش اليوم نتعـذر بحجـة خطنـا المسـدود مدام الخيل موجودة وسيف المجد لـه  حـداد

باصيح بصوت يسمعني كبير السـن والمولـود ويسمعني هل فليفل وبن شعرة وهـل شـداد

ظهور الخيل ياصحابي يجـود الحـر بالموجـود وبانزهم على الكربـي وعالنهـدي وباعبـاد

نموت احرار لو متنا على ملة هـل الاخـدود بيثور البحر ومواجه ويغرق مركـب الصيـاد

الا يامجـد امتنـا متـى قلـي متـى باتعـود متى ننهض ونتآزر ولانخشـى مـن  الموسـاد

متى نرجع لمنهجنـا ونخشـى ربنـا  المعبـود متى باتعود ياقدس العـرب  ياشـام  يابغـداد

متى قلي متى شوفـك الا يانصرنـا  المفقـود متى عين المولّـع تكتحـل بالنصـر والأمجـاد

الا ياربنـا سالـك برحمـة ياكريـم  الجـود انا سالك تنجينا بجاهك مـن بلـى  الحسـاد