ارحل مع حزني

ارحل مع حزنـي بليـل  انتحـاري في مركب الآلام من مـوت لامـوت

والدمع كنه سيـل عالخـد جـاري والهم عنوانه على الصدر منحـوت

والموج هايج ايـن حـدّد مسـاري والناس كل الناس عالباطل سكـوت

لما متى صابـر وحالـي  طـواري في آخر الطابور تكسـي وبيجـوت

وبرغم إن العصر عصراً  حضـاري والكل فالطابور ساكـت  ومكبـوت

طبرت عالبنزيـن والخيـر جـاري وشفت الامل راحل على ظهر تابوت

ضاع الأمل مابيـن بايـع وشـاري مابين ابو صالح وصالح ومبخـوت

يامركـب الآمـال لاويـن  سـاري اوماتشوف الحوت ياكل من  الحوت

عالجرح ياما طال طـول انتظـاري ياما وياما صحت وتقطع  الصـوت

إلى متى والصبـر يبقـى  خيـاري محروم لاتمشـى بغـزة  وبيـروت

يلعب علي طفل (ن) بلعبـة اتـاري واللي جرى كله موجـه  بريمـوت

ضيعتني ياوقت خلـف  الصحـاري ومسيت ضايع بين شبوة  وسيحوت

ورغم الألم صامد بليـل  ونهـاري قد عدتي بلجيـك وكنـاد ومـروت

اما انتصرنا نصـر ذات الصـواري ولا الشهادة خير من بيـر برهـوت

صامد في الميدان حتـى انتصـاري وانته دلى ياوقت لاتكـون مبهـوت

يرحل علي يرحـل وهـذا شعـاري اما تحقق ولا مـن دونـه المـوت

والصقر مايشبه طيـور  الحبـاري الليم والزيتـون مايشبـه  التـوت

وش قربـك ياذيـب لابـاب  داري وانته قضيت العمر في خبت وخبوت

ماشي سهالة بايمنـك  واليسـاري بانشقك من محزمي سـم  بـاروت

ولا استمع صوتي و نفـذ  قـراري باركبك شاصـاً ومـن دون كبـوت

وان ماتبي صالون سوبر  سفـاري يطوي رمال الربع ويشوتها شـوت