ليل السهر

ليل السهر يحرم عيونـي لاتنـام وطول البلى للتكهلة يومي بهـن

الصبر طول والالـم دق العظـام وليل الوصل قفى ولاهو يستهـن

يابري حال اللي دموعه كالغمـام والسير بيـده ولاكنـه  ماندهـن

كن العُمُر يمر عاماً بعـد  عـام غربة صعيبة مغترب داخل وطـن

لاامن لاستقرار لا دولـة  نظـام وش لون بانثبت ولاء لاهل الفتن

وش لون والمجرم يريد الانتقـام اعمال زادت من همومي  والحزن

كلام قد مليت مـن كثـر الكـلام فطنت هرجه وابني الجاهل فطـن

والعدل ماشي عدل قولوله سـلام والبلطجي يسرق ويتبلطج  علـن

والحق فالتوظيف لعيال  الحـرام شركة نصيبي منها موت  وكفـن

ياصحابنا قوموا بايروح  الـدوام كم نيم من نومه وشفته قد ذهـن

اولادنا مثل الشحت عنـد اللئـام من حقهم بايحرموا عند  الخـون

تعطى وظايفهم لبو زيد  وحسـام وقال لك بالعـدل بانبنـي  يمـن

قولو لهم سيروا مايفيد اعتصـام ماء المطر لاقد رقد قالـوا اسـن

ثورة جديدة والخبر للناس  عـام ثورة تعيد الحق ذي قـد  اندفـن

الفرض يتقدم على ليـل  القيـام كل الفروض امقدمه قبـل السنـن

ثورة على فعلة خفافيش  الظـلام ذي جابوا العمال والراطن رطـن

واستوطنوا دار النشاما  بانتظـام وحملوا ثرواتكـم فـوق السفـن

واولادكم آمالهـم راحـت ركـام راحت عليهم ظلم من جور الزمن

ياهل البنادق ذي تلبـون المهـام لي منعكم زاد البلى زاد  الشجـن

الحرية مطلـب ويكفـي انقسـام حقوق راحت والمعلـم  انسجـن

وش عاد خلو لي ولك يابن الكرام ابنك معذب يوم غيـره  مفتهـن

انهض وفي يدك تمسك بالخطـام القافلة تسري ووجهتهـا  عـدن

والحق حقك فالبدايـة  والختـام والارض ارضك والمزراع والسكن

ياشعبنا انهض وقم شد  الحـزام الحريـة ماتجيـك الا  بالثـمـن

فاح العبير وشدني ريح  الخزام والشيح ريحه ينتعش فيه البـدن

واختم وصلي عد ماغـرد  حمـام على نبي الخير والديـن الحسـن