ياصاحبي صبرك ولاتكون مزعـوج لاشفت بعض الناس دجـال  هـراج

ذه سنة الرحمن من عهـد ياجـوج والشر له لحظـة وللخيـر منهـاج

كم ناس عطشانة على عد مخمـوج والوضع قاسي مثل ماقسوة السـاج

كم جيفةً عالأرض باتمسـي تنـوج وبعض البشر يافهد يحتاج  مسـاج

لاتحسب انـا مثـل اولاد  دحـروج كم ياصنم ياكـم تدحـرج تدحـراج

مشتاق لصحابي ولانسنس  الفـوج غنيت من قلبـي وللقـرب محتـاج

قلبي نزف يافهد ماشفـت  منتـوج وين الوعد يافهـد ماشفـت انتـاج

ماشي سوى يافهد والخط  معـروج والقايد المصيوت قد عظمـه لجـاج

اركب معانا حج لك خمسه  حجـوج باقي معاكم برج مـن ستـه بـراج

وبنت العرب قدها مع زوج مرجـوج وصحابها باعـوا لحمـدي ودمـاج

حتى ابوهـا قـال مبـروك للـزوج ولعاد تسهن لمسـة الخـد والتـاج

روح بهـا روح ولاتكثـر هــروج سرى بها البارح على خـط بطنـاج

قد حطها في قصر ماشي له لهـوج من دونها عطبوش وعيـال باحـاج

ملقي لهم زانـة وكـم فتـح  دروج بالمـال بايغـدق ولاعنـده حـراج

بايزرع الصحراء وباتصبح  مـروج وبايجنـي التفـاح يافهـد  بمـزاج

واللي بايزعل عنده الحبل مسحـوج والشُّرف والبلجيك تاجـه ومرتـاج

وعاد الخبر بايجيك من ارض لزنوج وباتقع لكم ساعة بإسراء  ومعـراج

وكل من قرب منها بلى شك ملبـوج كم من شنب عالباب قد صاد ملبـاج

وانته دلى عالشوق لاتركب  المـوج خايف عليك تروح مابيـن  لمـواج

البارحة سهران والثـوب  مهجـوج والبلطجي ياكم يسبب لـي  زعـاج

بهذا الوطن يافهد كم بانـت علـوج وزاد المرض بالراس ماشي له علاج

ماغير باندعي ومن قلـب  مزلـوج يالله تسلها عسـى قـرب  الافـراج