مشتاق لك شوق الصحاري

مشتاق لك شوق المطر للصحاري وشوق الذي لاهام روحـه تدلـه

مشتاق والأشواق تعصف  مداري والهم فـي قلبـي تجمـع بكلـه

جيتك ودمع الشوق حاله  طواري من فرقتـك والله عيونـي تهلـه

احب انا قربـك وهـذا اختيـاري قربك شفا للقلب من كـل  علـة

مافيه غيرك انت يانجـم سـاري ضوى سماء دنياي فالليـل كلـه

لاجلك ابيع اللروح لاكنت شـاري يانجم ضوى عاللنجـوم المطلـة

من يعشقك مايحب ضو النهـاري مـاوده إلا تكـون دايـم محلـه

ونا وحيد الليـل واللهم  جـاري تحت الضلوع العوج فوحت دلـة

اوقد على صدري وشبيت  نـاري عطشان حلقي مالقي مـن يبلـه

تنزف جروحي نزف دم الكنـاري والقلب كنه عالسيـوف المسلـة

اسأل عليك الليل لاشاب  طـاري لا يابعيد الـدار فالجـوف  ملـة

يالله عساه بخير طيـر الحبـاري ويالله على الخيـرات يالله تدلـه

ويالله عسى هالدار تقرب لـداري ويالله تسهل درب رجلـي تزلـه