مرثية في صالح الوبح

هذه القصيدة لروح العقيد صالح علي الوبح باراس

يالله ياللي مـن ترجـاك ماخـاب ياعالم اسرار النفـوس  الحزينـة

سهل على المكروب يارب لربـاب لاهل دمع العين من مـوق عينـه

ومساء مع لحزان والكير  شبـاب والقلب يرجف مثل رجف المكينـة

ياوجد حالي وجد والدمع  سكـاب وجد الذي حزنـه يزلـزل مدينـة

سألت راعي الباص والناس ركاب صالح علي طول وطالت  سنينـه

غيب علي كالبدرمن تحته  سحاب لارد جوالـه ولا سمـع رنيـنـه

وين البطل ياناس والبدر دي غاب ورد لي راكب عسـى الله  يعينـه

قالي رحل صالح وياكبره مصـاب وهتز قلبـي هـز ورد ف ونينـه

ترحل رجال العز والشوق  غـلاب ترحل ويرحل خيرباسـط  يمينـه

تبكي عليه شجار وسهول وهضاب وتبكي الجبال السود لاقلت وينـه

صالح علي ياناس له صفحة كتاب وبين الضلوع العوج ترسي سفينة

فيها الغلى لنسان بالقلب ينسـاب فيها مخوة صـدق بينـي وبينـه

بكيت من قلبي على شخص جذاب جذاب باخلاقـه وروحـه ودينـه

من يعرفه يبكي ولا صابه عتـاب هذا الرجـل وافـي ويـده امينـه

والحبرهووالشعر والحرف  كـذاب مهما وصف صالح فمادّى  ثمينـه

ياالله ياللي جامع الناس  لحسـاب يالله بهالساعـة تحـل  السكينـة

تنزل على صالح وتفتح له بـواب للجنة الخضراء وتقطـف  يدينـه

من التين والرمان ونواع  لعنـاب والحـور فيهـا واللآلـي ثمينـه

ختمتها والقلـب يهتـز  كالبـاب لاهزتـه ريحـاً بتسمـع حنينـه

وزكى صلاتي عالنبي كل  ماتـاب العاصي المذنـب ومـرّغ جبينـه

لله ربه خوف فـي كـل محـراب وهل دمعه خوف من موق  عينـه